سونم کپور اور آنند آہوجا شادی کے بندھن میں بندھ گئے

سونم کپور اور آنند آہوجا شادی کے بندھن میں بندھ گئے
سونم کپور اور آنند آہوجا شادی کے بندھن میں بندھ گئے

  

ممبئی(نیٹ نیوز)بالی وڈ کی معروف اداکارہ سونم کپور اور آنند آہوجا شادی کے بندھن میں بندھ گئے۔منگل کی دوپہر اداکار انیل کپور کی صاحبزادی سونم کپور کی شادی آنند آہوجا سے سکھ رسمو رواج کے مطابق انجام پائی۔شادی میں بالی وڈ کے نامور ستاروں نے شرکت کی اور چار چاند لگا دیئے، جن میں امیتابھ بچن، ورون دھون، ارجن کپور، رانی مکھرجی، کرشمہ کپور، کرینہ کپور، سیف علی خان، ننھے تیمور، جیکولین فرنینڈز، رنویر سنگھ اور دیگر شامل تھے۔ اس دوران رنویر سنگھ اور ارجن کپور نے مل کر خوب ہلا گلا کیا اور سونم کپور کی فلم کا گانا بھی گایا۔شادی کے بعد سونم کپور کے بھائی ہرشوردھن نے باہر موجود عام افراد میں مٹھائی بھی تقسیم کی۔اداکارہ سونم کپور نے سرخ لہنگے کے ساتھ روایتی جیولری زیب تن کی اور ہلکے میک اپ کا انتخاب کیا۔سونم کا شادی کا جھل مل کردہ خوبصورت لباس بھارتی ڈیزائنر انورادھا واکل نے ڈایزئن کیا۔سونم کپور اور آنند آہوجا کو زندگی کی نئی شروعات پر دوست احباب کی جانب سے شادی کی مبارکباد کا سلسلہ بھی جاری ہے۔

مزید : کلچر