کراچی کا امن عزیز ، بلاول بھٹو کی عمران خان حکیم سعید گراؤنڈ میں جلسہ کرنے کی پیشکش

کراچی کا امن عزیز ، بلاول بھٹو کی عمران خان حکیم سعید گراؤنڈ میں جلسہ کرنے کی ...

لاہور ( این این آئی) پاکستان تحریک انصاف کے چیئرمین عمران خان نے کہا ہے پیپلز پارٹی کی مسلح وارداتیں سندھ میں تحریک انصاف کی مقبولیت سے خوفزدہ ہونے کی علامت ہے۔سماجی رابطہ سائٹ ٹوئٹر پر اپنے بیان میں عمران خان نے کہا وہ گزشتہ روز کراچی میں پیپلز پارٹی کی جانب سے تحریک انصاف کے کارکنان پر حملے کی شدید مذمت کرتے ہیں، سندھ حکومت ہمارے کارکنان پر تشدد کرنیوالوں کیخلاف فو ر ی کارروائی کرے۔یاد رہے پیپلز پارٹی اور تحریک انصاف کی جانب سے 12 مئی کو گلشن اقبال کے حکیم سعید گراؤنڈ میں جلسے کا اعلان کیا گیا ہے۔تحریک انصاف کی جانب سے گراؤنڈ میں کیمپ لگایا گیا جبکہ پیپلز پارٹی کے رہنماؤں نے گراؤنڈ کا دورہ کر کے انتظامات کا جائزہ لیا ۔ پیر کی شام اچانک دونوں جماعتوں کے کارکنان آمنے سامنے آئے اور ایک دوسرے پر حملہ کیا جس کے نتیجے میں پولیس اہلکاروں سمیت کئی افراد زخمی ہوئے جبکہ مشتعل افراد نے سڑک پر کھڑی دو گاڑیوں کو بھی نذر آتش کیا۔

عمران خان

کراچی (سٹاف رپورٹر، مانیٹرنگ ڈیسک، نیوز ایجنسیاں ) پاکستان پیپلز پارٹی کے چیئرمین بلاول بھٹو زرداری نے کراچی کے امن کیلئے تحر یک انصاف کے سربراہ عمران خان کو حکیم سعید گراؤنڈ میں جلسہ کرنے کی پیشکش کرتے ہوئے کہا ہے شہر قائدکراچی میں ہم نے بڑی مشکل سے امن قائم کیا ہے، اب اسے خراب ہونے نہیں دیں گے، گزشتہ روز یہاں سے جاری کردہ اپنے ایک بیان میں انہوں نے کہا بارہ مئی کو پیپلز پارٹی کے چودہ بیگناہ کارکن عدلیہ کی بحالی کیلئے شہید ہوئے، جنہیں خراج تحسین پیش کرنے کیلئے حکیم سعید گراؤنڈ میں جلسے کا فیصلہ کیا، شہید کارکنوں میں زیادہ کا تعلق ایسٹ سے تھا اسلئے حکیم سعید گراؤنڈ کا انتخاب کیا، ہم نے جلسے کی اجازت کیلئے تمام قانون تقاضے پورے کئے مگر تحریک انصاف نے ہمیشہ بارہ مئی مزار قائد پر جلسہ کرنے کا کہا، ان کے پاس بارہ مئی کو منانے کیلئے کیا ہے، ہم تو شہدا کی یاد میں جلسہ کر رہے ہیں، تحریک انصاف کے کیمپ سے پی پی کارکنوں پر پتھراؤ کیا گیا، انہوں نے کراچی کے امن کیلئے عمران خان کو حکیم سعید گراؤنڈ میں جلسہ کرنے کی پیشکش کرتے ہوئے کہا پارٹی سے کہتا ہوں جلسے کیلئے کوئی جگہ تلاش کریں اور عمران خان کو پیشکش کرتا ہوں وہ حکیم سعید گراؤند میں جلسہ کریں،یہ پیشکش تحریک انصاف کے ہولناک رویہ کے پیش نظر کر رہا ہوں تاکہ شہرقائد میں امن قائم رہے کیونکہ کراچی میں ہم نے بڑی مشکل سے امن قائم کیا ہے، خراب ہونے نہیں دیں گے۔قبل ازیں چیئرمین پاکستان پیپلز پارٹی بلاول بھٹو زرداری نے سماجی رابطہ کی ویب سائٹ ٹوئیڑ پر اپنے ٹوئٹ پیغام میں 12 مئی کو حکیم سعید گراؤنڈ کے بجائے کسی اور مقام پر جلسے کرنے کا اعلان کرتے ہوئے چیئرمین پاکستان تحریک انصاف عمران خان کو حکیم سعید گراؤنڈ میں جلسے کرنے کی پیشکش بھی کی، انہوں نے کہا کراچی ہمارا شہر ہے ،گزشتہ روز تحریک انصاف کا رویہ انتہائی خراب تھا۔

بلاول پیشکش

مزید : صفحہ اول