میران شاہ ہسپتال میں ڈانس پارٹی کا نوٹس‘ گورنر خیبر پی کے نے ایجنسی سرجن‘ ایم ایس کو معطل کر دیا
پشاور (اے پی پی) گورنر خیبرپی کے کے انجینئر اقبال ظفر جھگڑا نے شمالی وزیرستان کے ایجنسی ہیڈکوارٹر ہسپتال میران شاہ میں گذشتہ رات ڈانس پارٹی کے واقعہ کا سختی سے نوٹس لیتے ہوئے ایجنسی سرجن اور ہسپتال کے ایم ایس کوفور ی طور پر معطل کردیا ہے اور واقعہ کی مزید تحقیقات کی جلد رپورٹ پیش کرنے کی بھی ہدایت کی ہے۔