گوتم گمبھیر تمام اخلاقی حدیں پار کر گئے، اپنے خلاف الیکشن میں کھڑی خاتون امیدوار کے ساتھ انتہائی شرمناک حرکت کردی

گوتم گمبھیر تمام اخلاقی حدیں پار کر گئے، اپنے خلاف الیکشن میں کھڑی خاتون ...
گوتم گمبھیر تمام اخلاقی حدیں پار کر گئے، اپنے خلاف الیکشن میں کھڑی خاتون امیدوار کے ساتھ انتہائی شرمناک حرکت کردی

  

نئی دلی (ڈیلی پاکستان آن لائن) بھارت کے سابق ٹیسٹ کرکٹر اور حالیہ لوک سبھا انتخابات میں حکمران جماعت بی جے پی کے نئی دلی سے امیدوار گوتم گمبھیر نے تمام اخلاقی حدیں پار کردیں۔ الیکشن میں اپنے خلاف کھڑی عام آدمی پارٹی کی خاتون امیدوار کے خلاف قابل اعتراض پرچے چھپوا کر پورے حلقے میں تقسیم کردیے۔

عام آدمی پارٹی کی خاتون امیدوار آتشی نے ایک پریس کانفرنس کے دوران الزام عائد کیا کہ مشرقی دلی سے بی جے پی کے امیدوار گوتم گمبھیر نے ان کے خلاف انتہائی قابل اعتراض مواد پر مبنی پرچے چھپوا کر پورے حلقے میں تقسیم کیے ہیں۔ عام آدمی پارٹی کی خاتون امیدوار نے روتے ہوئے کہا کہ وہ سیاست میں اس لیے نہیں آئیں کہ انہیں پیسہ چاہیے۔

دلی کے نائب وزیر اعلیٰ منیش سسوڈیا نے بھی گوتم گمبھیر کے رویے کی مذمت کی اور کہا کہ ان پرچوں سے سابق کرکٹر کا اصلی چہرہ لوگوں کے سامنے آگیا۔ دلی کے وزیر اعلیٰ اور عام آدمی پارٹی کے سربراہ اروند کیجریوال نے کہا کہ انہوں نے کبھی سوچا بھی نہیں تھا کہ گوتم گمبھیر اس حد تک نیچے گرجائیں گے ۔ اگر ایسی سوچ والا آدمی منتخب ہوگیا تو ایک خاتون کیسے خود کو محفوظ محسوس کرے گی؟ ۔

مزید : بین الاقوامی /کھیل