پاکستان کا بھارت میں غیر مجاز افراد سے یورینیم کی برآمدگی پر اظہار تشویش ، تحقیقات کا مطالبہ

پاکستان کا بھارت میں غیر مجاز افراد سے یورینیم کی برآمدگی پر اظہار تشویش ، ...
پاکستان کا بھارت میں غیر مجاز افراد سے یورینیم کی برآمدگی پر اظہار تشویش ، تحقیقات کا مطالبہ

  

 اسلام آباد(آئی این پی)پاکستان نے بھارت میں غیر مجاز افراد سے ایٹم بم کی تیاری میں استعمال ہونے والے7 کلو قدرتی یورینیم کی برآمدگی پر پر شدید تشویش کا اظہار کرتے ہوئے تحقیقات کا مطالبہ کیا ہے۔

نجی ٹی وی کے مطابق ترجمان دفترخارجہ نے کہا ہے کہ بڑی مقدار میں یورینیم ریاستی کنٹرول سے کیسے باہر دستیاب تھی ؟اس خلا کی نشاندہی ہونی چاہیے جس کے باعث ایسا ہوا ، ایٹمی مواد کی سیکیورٹی تمام ممالک کی اولین ترجیح ہونی چاہیے ۔

یاد  رہے کہ بھارتی ریاست مہارشٹرا میں غیر مجاز افراد سے سات کلو گرام سے زائد قدرتی یورینیم کی برآمدگی نے اس انتہائی حساس ریڈایکٹو مواد پر ریاستی کنٹرول کے حوالے سے کئی سوالات جنم دیے ہیں، بھارت میں اس قبل بھی کئی بار غیر متعلقہ افراد سے یورینیم برآمد کیا جاچکا ہے۔ بھارتی بھابھا اٹامک ریسرچ سینٹر نے تصدیق کی ہے کہ پکڑا جانے والا یورنییم انتہائی ریڈیو ایکٹو ہے،بھارت میں اجتماعی و انفرادی یورینیم چوری اور سمگلنگ کے درجنوں واقعات ہوچکے جن پر امریکا اور ایٹمی دہشت گردی سے بچا کے ادارے سمیت کئی ممالک اپنی تشویش کا اظہار کر چکے ہیں۔

مزید :

قومی -