بھارتی ایئر لائن کے طیارے کی کراچی ایئرپورٹ پر ہنگامی لینڈنگ

بھارتی ایئر لائن کے طیارے کی کراچی ایئرپورٹ پر ہنگامی لینڈنگ

کراچی (اسٹاف رپورٹر) بھارتی ایئرلائن کے طیارے کو دوران پرواز ایک مسافر کی طبیعت خراب ہونے پر جناح ایئرپورٹ پر ہنگامی لینڈنگ کرنا پڑگئی تاہم اس دوران مسافر دم توڑ گیا۔ تفصیلات کے مطابق پیر اور منگل کی درمیانی رات نئی دلی سے دوحہ جانے والی بھارت کی نجی ائیرلائن کی پرواز نے کراچی ائیرپورٹ پر ہنگامی لینڈنگ کی۔سول ایوی ایشن کے ترجمان نے واقعے کی تصدیق کرتے ہوئے کہا ہے کہ پرواز کے پائلٹ نے مسافر کی طبعیت خراب ہونے پر جہاز اتارنے کی اجازت مانگی تھی، ایئرپورٹ حکام نے انسانی ہمدردی کی بنیاد پر طیارے کو لینڈ کرنے کی اجازت دے دی تھی۔ پائلٹ کی جانب سے بتائی گئی صورت حال کے مطابق ایئرپورٹ انتظامیہ نے ڈاکٹروں کی ٹیم بھی تیار کردی تھی ، جیسے ہی طیارے نے لینڈ کیا ڈاکٹروں نے سوہن سنگھ مسافر کا طبی معائنہ شروع کردیا تاہم تب تک وہ دم توڑ چکا تھا۔ طیارہ کچھ دیر رکنے کے بعد منزل کی جانب روانہ کردیا گیا۔

مزید : راولپنڈی صفحہ آخر