پالتو کتے نے ایک رات میں 600 مرغیاں مار ڈالیں
بیجنگ(مانیٹرنگ ڈیسک)چین میں پالتو کتے نے پولٹری فارم میں گھس کر 600 مرغیوں کو ہلاک کردیا۔بین الاقوامی خبر رساں ادارے کے مطابق چین میں پالتو کتے کے مالک کو اس وقت پریشانی کا سامنا کرنا پڑ گیا جب کتا پڑوس میں موجود مرغیوں پولٹری فارم میں گھس گیا اور پوری رات میں 600 مرغیوں کو چبا ڈالا۔پولٹری فارم کا مالک صبح جاگا تو مرغیاں مردہ حالت میں پڑی ہوئی تھیں، پہلے تو مالک نے سمجھا کہ شاید کسی وبائی مرض کے اچانک حملے یا زہریلا دانا پانی موت کا سبب ہوگا تاہم جب مرغیوں کے گلے پر کتے کے دانتوں کے نشانات دیکھے تو اصل قاتل کا پتا چلا۔کتے کے مالک کا کہنا تھا کہ کسی پالتو کتے کا ایک رات میں 600 مرغیوں کا شکار کرلینا ناقابل فہم بات ہے جس پر پولٹری فارم کے مالک نے پولیس سے رجوع کرلیا اور کتے کے مالک کے خلاف 13 ہزار چینی یوا?ن (ڈھائی لاکھ پاکستانی روپے) کے ہرجانے کا دعویٰ دائر کردیا۔
مرغیاں مار ڈالیں