شاعرِ مشرق علامہ محمداقبال کا یومِ ولادت (9نومبر)
علامہ محمداقبال کا یومِ ولادت عقیدت و احترام سے منایا جا رہا ہے۔وہ 9نومبر 1877 ء کو سیالکوٹ میں پیدا ہوئے۔ آپ بیسویں صدی کے معروف شاعر، مصنف، قانون دان اور تحریکِ پاکستان کی اہم ترین شخصیات میں سے ایک تھے۔ اردو اور فارسی زبان کے شاعر کی حیثیت سے دنیائے ادب میں ممتاز حیثیت کے حامل ہیں۔ ان کے کلام کا بنیادی رجحان تصوف اور احیائے امتِ مسلمہ ہے۔ان کی وفات 21اپریل 1938ٗٗء میں ہوئی۔
نمونۂ کلام
ترے عشق کی انتہا چاہتا ہوں
مری سادگی دیکھ کیا چاہتا ہوں
ستم ہو کہ ہو وعدۂ بے حجابی
کوئی بات صبر آزما چاہتا ہوں
یہ جنت مبارک رہے زاہدوں کو
کہ میں آپ کا سامنا چاہتا ہوں
ذرا سا تو دل ہوں مگر شوخ اتنا
وہی لن ترانی سنا چاہتا ہوں
کوئی دم کا مہماں ہوں اے اہل محفل
چراغ سحر ہوں بجھا چاہتا ہوں
بھری بزم میں راز کی بات کہہ دی
بڑا بے ادب ہوں سزا چاہتا ہوں
شاعر: علامہ محمد اقبال
Tiray Eshq Ki Intehaa Chaahta Hun
Miri Saadgi Daikh Kaya Chaahta Hun
Sitam Ho Keh Ho Waada-e-Be Hijaabi
Koi Baat Sabr Aazmaa Chaahta Hun
Yeh Jannat Mubaarak Rahay Zaahidon Ko
Keh Main Aap Ka Saamnaa Chaahta Hun
Zaraa Sa To Dil Hun Magar Shokh Itna
Wahi Lan Taraani Sunaa Chaahta Hun
Koi Dam Ka Mehmaan Hun Ehl-e-Mehfill
Charaagh-e-Sahar Hun Bujhaa Chaahta Hun
Bhari Bazm Men Raaz Ki Baat Keh Di
Barra Be Adab Hun Sazaa Chaahta Hun
Poet: Allama Muhammad Iqbal