سیمی فائنل سے قبل بابر اعظم کو چندر پال کا مشورہ
سڈنی (ڈیلی پاکستان آن لائن)ویسٹ انڈیز کے سابق کرکٹر شیونرائن چندرپال کا کہنا ہے کہ بابر اعظم ورلڈ کلاس بیٹر ہیں، انہوں نے ہر طرح کے کنڈیشن میں معیاری بیٹنگ کی۔ان کا کہنا تھا کہ بابر اعظم سے یہ ہی کہوں گا کہ خود پر زیادہ پریشر نہ لیں، اپنی کرکٹ کھیلیں، خراب پرفارمنس کا نہ سوچیں، صرف اچھی کارکردگی ذہن میں رکھیں۔جب رنز نہ ہوں تو وہ وقت ذہن میں لائیں جب خوب رنز کیے۔
جیو نیوز کےمطابق چندرپال نے کہا کہ میرا نہیں خیال کے بابر اعظم مشکلات کا شکار ہیں، ٹی ٹوئنٹی میں آپ کبھی رنز کرتے ہیں، کبھی نہیں کر پاتے، ٹی ٹوئنٹی میں ضروری ہے کہ آپ پریشر سے آزاد ہوکر سوچیں۔چندر پال نے کہا کہ اس ورلڈ کپ میں ثابت ہوگیا کہ چھوٹی ٹیمیں اب کافی بہتر ہوگئی ہیں،اب کسی ٹیم کے خلاف آپ مقابلہ آسان نہیں لے سکتے ،ٹی ٹوئنٹی کرکٹ میں فارم کے ساتھ ساتھ قسمت بھی کردار ادا کرتی ہے۔انہوں نے کہا کہ پاکستان نے اچھی کرکٹ کھیلی تو قسمت نے بھی ساتھ دیا۔