پاکستان کرکٹ ٹیم آج فائنل میں رسائی کی جنگ لڑے گی
پاکستان اور نیوزی لینڈ کی کرکٹ ٹیموں کے درمیان ٹی20 ورلڈ کپ کا پہلا سیمی فائنل آج سڈنی کرکٹ گراؤنڈ میں کھیلا جارہا ہے پاکستان کرکٹ ٹیم ایونٹ کے سیمی فائنل میں قوم کی دعاؤں سے پہنچ تو گئی ہے لیکن آج اس کو میچ جیتنے کے لئے دعاؤں کے ساتھ سخت محنت کی بھی ضرورت ہے پاکستان کی ٹیم اپنے گروپ میں دوسرے نمبر پر ہے دونوں ٹیموں کی اب تک کی اس ٹی ٹونٹی ورلڈ کپ میں کارکردگی کی بات کی جائے تو نیوزی لینڈ کی ٹیم نے اب تک ایونٹ میں پاکستان سے بہتر پرفارمنس دی ہے اور اس نے میچز بھی زیادہ اپنے نام کئے ہیں لیکن اس سے قبل کھیلی گئی نیوزی لینڈ میں دونوں ٹیموں کے مابین سیریز کی بات کی جائے تو پاکستان کی ٹیم نے نیوزی لینڈ کے خلاف عمدہ پرفارمنس کا مظاہرہ کیا تھا امید کی جارہی ہے کہ دونوں ٹیموں کے درمیان آج کا میچ بھی بھی کانٹے دار ہوگا کیونکہ دونوں ٹیمیں ہی آج کا میچ جیت کر فائنل میں رسائی حاصل کرنے کی پوری کوشش کریں گی پاکستان کرکٹ ٹیم کے کپتان بابر اعظم کے لئے بطور کپتان اور بیٹسمین آج کے میچ کی بہت اہمیت ہے اس قبل وہ بیٹنگ میں توقعات پر پورا نہیں اترسکے لیکن اس کے باوجود امید کی جارہی ہے کہ آج کے میچ کی اہمیت کو مدنظر رکھتے ہوئے وہ عمدہ کپتانی کے ساتھ ساتھ بیٹنگ کا بھی مظاہرہ کریں گے دوسری جانب اگر پاکستان کرکٹ ٹیم کی بات کی جائے تو قومی ٹیم متوازن کھلاڑیوں پر مشتمل ہے اور مڈل آرڈر بیٹنگ بھی بہت اچھی پرفارمنس کا مظاہرہ کررہی ہے شاہین شاہ بھی اب مکمل فارم میں نظر آرہے ہیں بنگلہ دیش سے میچ میں انہوں نے شاندار باؤلنگ کا مظاہرہ کیا اور یہ ثابت کیا کہ وہ کھیلنے کے لئے مکمل فٹ ہیں کیویز کے خلاف آج امید کی جارہی ہے کہ وہ شاندار باؤلنگ کا مظاہرہ کرتے ہوئے ٹیم کی جیت میں اہم کردار ادا کریں گے دوسری جانب پاکستان کے بابر اعظم، محمد رضوان، محمد نواز، شاداب خان اور محمد حارث بڑا سکور کرنے کی پوری صلاحیت رکھتے ہیں۔
