ٹانک(ڈیلی پاکستان آن لائن)تحصیل برمل میں تھانہ راغزائی پر رات کے وقت مسلح افراد کے حملے میں 2 پولیس اہلکار شہید اور2زخمی ہو گئے۔
نجی ٹی وی چینل ایکسپریس نیوز کے مطابق پولیس ذرائع کا کہناہے کہ ٹانک کی تحصیل برمل میں رات گئے مسلح افراد نے تھانے پردھاوا بول دیا،حملہ آوروں کی فائرنگ سے 2 پولیس اہلکار شہید اور2 زخمی ہو گئے۔
پولیس ذرائع کا کہناہے کہ حملہ آوروں نے پولیس کی گاڑی کو بھی آگ لگا دی ،مسلح افراد سرکاری اسلحہ سمیت ایک گاڑی بھی ساتھ لے گئے ، ذرائع کاکہنا ہے کہ مسلح افراد ایس ایچ او کی سرکاری گاڑی کو راستے میں چھوڑ کر فرار ہو گئے۔
ذرائع کے مطابق حملہ آوروں کی تعداداہلکاروں سے کئی گنا زیادہ تھی ۔