لاہور (ڈیلی پاکستان آن لائن )لاہور میں مبینہ پولیس مقابلے میں 4 ڈاکو ہلاک ہوگئے۔
نجی ٹی وی جیونیوز نے پولیس کے حوالے سے بتایا کہ گرین ٹاون کے علاقے میں ہلاک ہونے والے ڈاکو بینکوں کی وارداتوں میں ملوث تھے۔
پولیس نے بتایا کہ ایک گھر میں چھپے ڈاکوو¿ں کی اطلاع ملنے پر پولیس نے مکان کو گھیرے میں لے لیا، اس دوران ڈاکووں اور پولیس کے درمیان فائرنگ کا تبادلہ بھی ہوا جس کے نتیجے میں 4 ڈاکو ہلاک ہو گئے۔
پولیس کے مطابق مقابلے میں ایس ایچ او اور کانسٹیبل بھی زخمی ہوئے جنہیں فوری طبی امداد کے لئے ہسپتال منتقل کردیا گیا۔