ایف بی آر عملے کی ملی بھگت سے 1127ارب کی ٹیکس چوری کا انکشاف

    ایف بی آر عملے کی ملی بھگت سے 1127ارب کی ٹیکس چوری کا انکشاف

  

 کراچی(این این آئی)فیڈرل بورڈ آف ریونیو کے عملے کی ملی بھگت سے پانچ سال کے دوران1100 ارب روپے سے زائد ٹیکس چوری کا انکشاف ہوا ہے ایف بی آر ڈائریکٹوریٹ کی  جنرل انٹرنل آڈٹ کی رپورٹ میں بتایا گیا ہے کہ ملک بھر میں 2015 سے 2019  کے دوران 1127 ارب سے زیادہ ٹیکس چوری کی گئی ہے جبکہ 1258 ارب کے بجائے 131 ارب 91 کروڑ ٹیکس وصول کیا گیا ہے رپورٹ میں مزید بتایا گیا ہے کہ 5 سال کے دوران 4193 ارب روپے سے زیادہ کا کاروبار ہوا ہے جبکہ ہزاروں کاروبارجعلسازی سے منافع نقصان میں بدلتے ہیں 2017 میں سب سے زیادہ ٹیکس چوری ہوا رپورٹ کے مطابق عملے کی ملی بھگت سے ٹیکس چوری کی گئی جبکہ کراچی، لاہور اور اسلام آباد کے ساتھ ساتھ پشاور اور سکھر میں بھی ٹیکس چوری کیا گیا ہے رپورٹ میں سکینڈل میں ملوث ودہولڈنگ ایجنٹس کیخلاف کارروائی کی سفارش کرتے ہوئے ذمہ داروں پر ڈیفالٹ، سرچارج، پینلٹی لگانے اور ریکوری کی سفارش کی گئی ہے اور آئی ٹی ونگ کو فراڈ کی روک تھام کیلئے سسٹم بہتر کرنے کی ہدایت بھی دی گئی ہے علاوہ ازیں ایف بی آر کے ذیلی ادارے پرال سے بھی فراڈ اور جعل سازی پر وضاحت طلب کرلی ہے اورذمہ داری کا تعین کرکے ادارے کے ملازمین اور سپر وائزرز کیخلاف سخت کارروائی کی سفارش کی ہے۔

ٹیکس چوری 

مزید :

صفحہ آخر -