تجھے یاد کیا نہیں ہے میرے دل کا وہ زمانہ| علامہ اقبال |
تجھے یاد کیا نہیں ہے میرے دل کا وہ زمانہ
وہ ادب گہِ محبت وہ نِگہ کا تازیانہ
یہ بُتانِ عصْرِحاضر کے بنے ہیں مدرِسے میں
نہ ادائے کافرانہ نہ تراشِ آذرانہ
نہیں اِس کھُلی فضا میں کوئی گوشۂ فراغت
یہ جہاں عجب جہاں ہے نہ قفس، نہ آشیانہ
رگِ تاک منتَظر ہے تِری بارشِ کرَم کی
کہ عجم کے میکدوں میں نہ رہی مئے مغانہ
مِرے ہم صفیراِسے بھی اثرِ بہار سمجھے
اِنہیں کیا خبر کہ کیا ہے یہ نوائے عاشقانہ
مِرے خاک وخوں سے تو نے یہ جہاں کیا ہے پیدا
صلۂ شہید کیا ہے؟ تب و تاب جاوِدانہ
تِری بندہ پروَرِی سے مرے دن گزر رہے ہیں
نہ گِلہ ہے دوستوں کا نہ شکایتِ زمانہ
شاعر: علامہ اقبال
(مجموعۂ کلام:بالِ جبریل )
Tujhay Yaad Kaya Nahen Hay Miray Dil Ka Wo Zamaana
Wo Adab Gah-e-Muhabbat Wo Nigah Ka Taazyaanna
Yeh Butaan-e-Asr-e-Haazir Keh Banay Hen Madrasay Men
Na Adaa-e-Kafaraana , Na Taraash Aazraana
Nahen Iss Khuli Fazaa Men Koi Gosha-e-Faraaghat
Yeh Jahaan Ajab Jahaan Hay Na Qafass Na Aashyaana
Rag-e-Taak Mutazir Hay Tiri Baarish-e-Karam Ki
Keh Ajam K Maykadon Men Na Rahi May-e-Mughaana
Miray Ham Safeer Isay Bhi Asar-e-Bahaar Samjhay
Inhen Kaya Khabar Keh Kaya Hay Yeh Nawaa-e-Aashqaana
Miray Khaak-o-Khoon Say Tu Nay Yeh Jahaan Kiya Hay Paida
Sila-e-Shaheed Kaya Hay Tab-o-Taab-e-Jaawdaana
Tiri Banda Parwari Say Miray Din Guzar Rahay Hen
Na Gila Hay Doston Ka Na Shikaayat -e-Zamaana
Poet: Allama Iqbal