ٹیسٹ رینکنگ میں پہلی پوزیشن، آئی سی سی کا پاکستان کو خصوصی گرز دینے کا اعلان

ٹیسٹ رینکنگ میں پہلی پوزیشن، آئی سی سی کا پاکستان کو خصوصی گرز دینے کا اعلان
ٹیسٹ رینکنگ میں پہلی پوزیشن، آئی سی سی کا پاکستان کو خصوصی گرز دینے کا اعلان

  


دبئی (مانیٹرنگ ڈیسک) انٹرنیشنل کرکٹ کونسل (آئی سی سی) نے ٹیسٹ کرکٹ رینکنگ میں پہلی پوزیشن حاصل کرنے پر پاکستان کو گرز دینے کا اعلان کیا ہے۔ یہ گرز 21 ستمبر بروز بدھ قذافی سٹیڈیم میں منعقدہ ایک تقریب کے دوران پاکستان ٹیسٹ کرکٹ ٹیم کے کپتان مصباح الحق کو پیش کیا جائے گا۔ آئی سی سی کے چیف ایگزیکٹو ڈیوڈ رچرڈسن ساڑھے دس بجے قذافی سٹیڈیم آئیں گے اور 11 بجے ایک پریس کانفرنس بھی کریں گے۔

روزنامہ پاکستان کی اینڈرائڈ موبائل ایپ ڈاؤن لوڈ کرنے کیلئے یہاں کلک کریں

واضح رہے کہ پاکستان نے 2003ءمیں متعارف کرائے گئے نئے رینکنگ سسٹم کے تحت پہلی مرتبہ ٹیسٹ کرکٹ رینکنگ میں پہلی پوزیشن حاصل کی ہے۔ پاکستان انگلینڈ کے خلاف دو ٹیسٹ میچ جیتنے اور دو ڈرا کرنے کے بعد یہ پوزیشن حاصل کرنے میں کامیاب ہوا اور سری لنکا کے ہاتھوں آسٹریلیا کو ملنے والی 3 میچوں کی شکست بھی اس کی وجہ بنی۔ بھارت ویسٹ انڈیز کے خلاف آخری ٹیسٹ جیتنے میں ناکامی کے ساتھ ہی پہلی پوزیشن سے بھی ہاتھ دھو بیٹھا اور یوں پاکستان پہلی مرتبہ ٹیسٹ کرکٹ رینکنگ میں پہلی پوزیشن پر آیا۔

روزنامہ پاکستان کی خبریں اپنے ای میل آئی ڈی پر حاصل کرنے اور سبسکرپشن کیلئے یہاں کلک کریں

پہلی پوزیشن حاصل کرنے والی ٹیم کو پیش کیا جانے والا گرز ”ایسپرے اور گیرارڈ“ کی جانب سے 2001ءمیں خصوصی طور پر کرکٹ کی دیگر ٹرافیوں سے مختلف اور نمایاں رکھنے کیلئے بنایاگیا تھا۔ 2001ءمیں اس کی مالیت 30,000 یورو تھی اور اسے ٹیسٹ کرکٹ رینکنگ میں تبدیلی کے ساتھ ہی پہلی پوزیشن حاصل کرنے والی ٹیم کو دیدیا جاتا ہے۔

مزید : کھیل