سی پیک کے تحت پنجاب میں مثالی سپیڈ کے ساتھ کام ہو رہا ہے:چینی قونصل جنرل یوبورن

سی پیک کے تحت پنجاب میں مثالی سپیڈ کے ساتھ کام ہو رہا ہے:چینی قونصل جنرل ...
سی پیک کے تحت پنجاب میں مثالی سپیڈ کے ساتھ کام ہو رہا ہے:چینی قونصل جنرل یوبورن

  


لاہور(مانیٹرنگ ڈیسک) چین کے قونصل جنرل یوبورن نے کہاہے کہ سی پیک کے تحت پنجاب میں مثالی سپیڈ کے ساتھ منصوبوں پر کام ہو رہا ہے۔

ایوان وزیراعلیٰ میں چیف منسٹر چائنیز لینگویج سکالرشپ پروگرام‘ شہبازشریف میرٹ سکالرشپ پروگرام اور دیگر ہونہار طلبا کے اعزاز میں منعقدہ تقریب سے خطاب کرتے ہوئے چینی قونصل جنرل یوبورن نے کہا کہ وزیراعلیٰ محمد شہبازشریف جو کہتے ہیں وہ کر دکھاتے ہیں۔ وزیراعظم محمد نوازشریف اور وزیراعلیٰ محمد شہبازشریف کا نام پاک چین دوستی کو عروج تک پہنچانے کے حوالے سے ہمیشہ یاد رکھا جائے گا۔ چین کی قیادت اور عوام میں بھی شہبازشریف پاکستان کے عوام کی طرح بہت مقبول اور ہردلعزیز ہیں۔ شہبازشریف دراصل مین آف ایکشن ہیں, ان کا شعبہ تعلیم کی بہتری کے لئے ویژن قابل ستائش ہے۔

چینی قونصل جنرل نے کہا کہ قائداعظم سولر پارک میں 300میگاواٹ کا سولر منصوبہ برق رفتاری سے مکمل کیا گیا۔ اسی طرح ساہیوال میں 1320میگاواٹ کول پاور پراجیکٹ پر 65فیصد سول ورکس مکمل ہو چکا ہے اور یہ منصوبہ 2017ءکے وسط میں مکمل ہو جائے گا۔ یوبورن نے کہا کہ لاہور اورنج لائن میٹروٹرین کا منصوبہ بھی مجھے امید ہے کہ مقررہ مدت میں مکمل ہو گا۔ انہوں نے وزیراعلیٰ محمد شہبازشریف کو اپنا بھائی قرار دیتے ہوئے کہا کہ پنجاب کے وزیراعلیٰ ویژنری لیڈر ہیں۔ ان کے کام کرنے کی رفتار غیر معمولی ہے۔ یہ نہ صرف خود کام کرتے ہیں بلکہ دوسروں کے لئے بھی رول ماڈل ہیں۔

مزید : لاہور