عامر لیاقت حسین اور وقار ذکا بھی برما پہنچ گئے
دبئی (ڈیلی پاکستان آن لائن) اینکر پرسنز ڈاکٹر عامر لیاقت حسین اور وقار ذکا روہنگیا مسلمانوں کی مدد کیلئے برما پہنچ گئے ہیں جہاں وہ لٹے پٹے مسلمانوں کے ریلیف کیلئے کام کریں گے۔اینکر اقرار الحسن پہلے ہی اپنی ٹیم کے ہمراہ برما میں موجود ہیں جہاں وہ راکھائن صوبے میں داخل ہونے کی کو شش کر رہے ہیں۔
تفصیلات کے مطابق ڈاکٹر عامر لیاقت حسین اور وقار ذکا جمعہ کو براستہ بنکاک دبئی سے میانما کے دارالحکومت ینگون کیلئے روانہ ہوئے ہیں۔ ڈاکٹر عامر لیاقت نے وقار ذکا کے ساتھ ایک سیلفی شیئر کی اور ساتھ میں اپنے فضائی سفر کی ٹکٹیں بھی سوشل میڈیا پر اپ لوڈ کیں اور کہا کہ پاکستان میں لوگ تقلید کی بجائے تنقید زیادہ کرتے ہیں اس لیے بورڈنگ کارڈ کی تصویر بھی اپ لوڈ کی ہے تاکہ لوگوں کو پتہ چل سکے کہ ہم اکانومی کلاس میں سفر کر رہے ہیں۔
Leaving for #Myanmar
— Aamir Liaquat Husain (@AamirLiaquat) September 8, 2017
بورڈنگ کارڈ بھی اس لیے ڈالا کہ ہم دونوں اکانومی میں سفر کرتے ہوئے جارہے ہیں کیونکہ یہاں تقلید کم اور تنقید زیادہ ہے pic.twitter.com/NwuPXTMoKC
دبئی سے تھائی ایئر ویز کی پرواز پر سوار ہونے سے قبل ڈاکٹر عامر لیاقت حسین نے ایک ویڈیو پیغام بھی شیئر کیا جس میں انہوں نے لکھا کہ وہ اور وقار ذکا تھائی ایئر ویز سے ینگون پہنچیں گے ۔ میانما ر میں حالات مسلسل سنگین ہوتے جارہے ہیں اور راکھائن میں داخلے کے امکانات نظر نہیں آرہے ہیں لیکن ہم پوری کوشش کریں گے۔ انہوں نے کہا ’ینگون میں ہم نے انتظام کیا ہوا ہے جسے سر عام ظاہر نہیں کیا جا سکتا لیکن کیمپوں میں ضرور جائیں گے،سب سے دعا کی درخواست کروں گا‘۔
The journey for humanity begins...Dr. Aamir Liaquat en route to Myanmar. Stay tuned for all the updates.#MissionBurma #SaveRohingyaMuslims pic.twitter.com/frmM5bZ3Mf
— BOL NETWORK (@BOLNETWORK) September 8, 2017
ایئر پورٹ سے وقار ذکا نے بھی عامر لیاقت حسین کے ساتھ سیلفی شیئر کی اور کہا کہ انہیں یقین نہیں ہے کہ وہ روہنگیا مسلمانوں تک پہنچ بھی پائیں گے یا نہیں کیونکہ پچھلی بار جب وہ میانمار گئے تو انہیں گرفتار کرلیا گیا تھا۔ انہوں نے سفر میں ساتھ دینے پر ڈاکٹر عامر لیاقت حسین کا شکریہ بھی ادا کیا۔