فرنس آئل کی فروخت میں اگست کے دوران 0.19 ملین ٹن کمی

09 ستمبر 2018

اسلام آباد (اے پی پی) اگست 2018ء کے دوران فرنس آئل کی فروخت 0.19 ملین ٹن تک کم ہو گئی جو گذشتہ 9 سال کے مقابلہ میں سب سے کم رہی ہے۔ آئل مارکیٹنگ کمپنیز (او ایم سی) کی رپورٹ کے مطابق اگست 2017ء تا جولائی 2018ء کے دوران فرنس آئل کی ماہانہ اوسط فروخت 0.55 ملین ٹن ریکارڈ کی گئی ہے۔ رپورٹ کے مطابق گذشتہ 12 ماہ کے دوران ہائی سپیڈ ڈیزل کی فروخت میں 50 فیصد اضافہ ریکارڈ کیا گیا ہے اور اگست 2018ء کے دوران ہائی سپیڈ ڈیزل کی فروخت 0.49 ملین ٹن رہی ہے جبکہ پٹرول کی فروخت 0.6 ملین ٹن ریکارڈ کی گئی ہے۔

مزیدخبریں