امت مسلمہ یزیدی قوتوں کے سامنے سیسہ پلائی دیوار بن جائے،اعجاز ہاشمی

  امت مسلمہ یزیدی قوتوں کے سامنے سیسہ پلائی دیوار بن جائے،اعجاز ہاشمی

لاہور (سٹی رپورٹر)جمعیت علما پاکستان کے مرکزی صدر اور متحدہ مجلس عمل کے نائب صدر پیر اعجاز احمد ہاشمی نے کہا ہے کہ کربلا دوافراد یا گروہوں کے درمیان معرکہ نہیں، یہ حق و باطل کی جنگ ہے۔ جس میں خون دے کراور بظاہر قربان ہوکر بھی حق فتح یاب ہوا۔ شہادت وقار اور راہ حق ہے۔ آج یزیدکی قبر پر چراغ جلانے والا اس کا نام لیوا کوئی نہیں۔ جبکہ روضہ حضرت امام حسینؓپر عقیدت مندوں کی حاضری دن رات جاری رہتی ہے۔ جس سے پتہ چلتا ہے کہ انسان کے مرنے کے باوجود کردار نہیں مرتا، وہ زندہ رہتا ہے۔ آج کر بلا اتحاد کا درس دیتی ہے کہ یزیدی قوتوں کے خلاف امت سیسہ پلائی دیوار بن کر کھڑی ہوجائے۔ باہمی و فروعی اختلافات کو چھوڑ کر قرآن مجید سے رہنمائی لیں۔ اپنے پیغام میں پیر اعجاز ہاشمی نے کہا کہ اسلام کا تحفظ نواسہ رسول حضرت امام حسین علیہ السلام کی عظیم قربانی کی مرہون منت ہے، جنہوں نے یزیدی قوتوں کے خلاف قیام کرکے شریعت محمد ی کا دفاع کیا۔ ورنہ ہم سے اسلام صحیح حالت میں نہ پہنچ سکتا۔

امام عالی مقام کی طرف سے یزیدی حکومت کے خلاف قیام اور مشکلات کے باوجودحق پرڈٹ جانے کا عمل آج ہمارے سیاستدانوں کے لئے مشعل راہ کہ امام حسین ؑ نے اصولوں پر سمجھوتہ نہیں کیا اور قربان ہوگئے۔ کیا ہم سیاستدان ایسا کرسکتے ہیں کہ جیل اور شہادتوں کو خوشی سے قبول کرلیں اور باطل حکومتوں کے خلاف کھڑے ہوجائیں۔ اپنی پارٹیاں نہ بدلیں۔اقتدار کے لئے جھوٹے وعدے نہ کریں۔

مزید : میٹروپولیٹن 1


loading...