عجب نشاط سے جلاد کے چلے ہیں ہم آگے
عجب نشاط سے جلاد کے چلے ہیں ہم آگے
کہ اپنے سایہ سے سر پاؤں سے ہے دو قدم آگے
قضا نے تھا مجھے چاہا خرابِ بادۂ الفت
فقط خراب لکھا بس نہ چل سکا قلم آگے
غمِ زمانہ نے جھاڑی نشاطِ عشق کی مستی
وگرنہ ہم بھی اُٹھاتے تھے لذتِ الم آگے
خدا کے واسطے داد اس جنونِ شوق کی دینا
کہ اس کے در پہ پہنچتے ہیں نامہ بر سے ہم آگے
یہ عمر بھر جو پریشانیاں اٹھائی ہیں ہم نے
تمہارے آئیو اے طرہ ہائے خم بہ خم آگے
دل و جگر پر افشاں جو ایک موجہ خوں ہے
ہم اپنے زعم میں سمجھے ہوئے تھے اُس کو دم آگے
قسم جنازے پر آنے کی میرے کھاتے ہیں غالبؔ
ہمیشہ کھاتے تھے جو میری جان کی قسم آگے
شاعر: مرزا غالب
Ajab Nishaat Say Jallaad k Chalay Hen Ham Aagay
Keh Apnay Saaey Say Sar Paaon Say Hay Do Qadam Aagay
Qaza Nay Tha Mujhay Chaaha Kharaab e Baada e Ulfat
Faqat Kharaab Likha , Bass Na Chall Saka Qalam Aagay
Gham e Zamaana Nay Jhaarri Nishaat e Eshq Ki Masti
Wagarna Ham Bhi Uthaatay Thay Lazzat e Alam Aagay
Khuda k Waastay Daad Iss Junoon e Shoq Ki Dena
Keh Uss K Dar Pe Pahunchay Hen Nama Bar Say Ham Aagay
Yeh Umr Bhar Jo pareshaaniaan Uthaai Hen Ham Nay
Tumhaaray aaio Ay Turra Haa e Kham Ba Kham Aagay
Dil o Jigar Men Pur Afshaan jo Aik Moja e Khoon Hay
Ham Apnay Zoam Men Samjhay Huay Thay Iss ko Dam Aagay
Qasam Janaazay Pe Aanay Ki Meray Khaatay Hen GHALIB
Hamesha Khaatay Thay Jo Meri Jaan ki Qasam Aagay
Poet: Mirza Ghalib