لاہور کے علاقے گجر پورہ میں ڈاکوﺅں نے گن پوائنٹ پر لڑکی کو اجتماعی زیادتی کا نشانہ بنا ڈالا ، یہ واقعہ کیسے پیش آیا ؟ افسوسناک خبر 

لاہور کے علاقے گجر پورہ میں ڈاکوﺅں نے گن پوائنٹ پر لڑکی کو اجتماعی زیادتی کا ...
لاہور کے علاقے گجر پورہ میں ڈاکوﺅں نے گن پوائنٹ پر لڑکی کو اجتماعی زیادتی کا نشانہ بنا ڈالا ، یہ واقعہ کیسے پیش آیا ؟ افسوسناک خبر 

  

لاہور (ڈیلی پاکستان آن لائن ) لاہور کے علاقے گجر پورہ میں ڈکیتی کے دوران ڈاکوﺅں نے گن پوائنٹ پر خاتون کو اجتماعی زیادتی کا نشانہ بنا ڈالا ہے ، خاتون کو حالت غیر میں ہسپتال منتقل کیا گیا ۔

تفصیلات کے مطابق خاتون اپنے دو بچوں کے ہمراہ تھی کہ ڈاکوﺅں نے راستے میں خاتون کو گن پوائنٹ پر روکا اور کھیتوں میں لے جا کر بچوں کے سامنے ہی زیادتی کا نشانہ بناتے رہے تاہم جب اس کی حالت غیر ہوئی تو وہ اسے وہیں چھوڑ کر فرار ہو گئے ۔گجرپورہ کے علاقے میں یہ دوسری بار ہواہے جب ڈکیتی کی واردات کے دوران کسی خاتون کے ساتھ زیادتی کی گئی ہو ۔

مدعی مقدمہ نے تفصیلات بتاتے ہوئے کہا کہ اجتماعی زیادتی کا نشانہ بننے والی ان کی کزن ہیں اور وہ اپنے بچوں کے ہمراہ جارہی تھیں کہ راستے میں رنگ روڈ پر گجر پورہ کے علاقے میں ان کی گاڑی میں پٹرول ختم ہو گیا ، وہ گاڑی میں ہی بیٹھیں تھیں اور انہوں نے اپنے عزیزوں کو اطلاع دی جب وہ موقع پر پہنچے تو دیکھا کہ گاڑی کا شیشہ ٹوٹا ہوا تھا اور خاتون غائب تھی ، جس پر انہوں نے قریب ہی جنگل میں تلاش کرنے کی کوشش کی تو وہاں وہ انہیں غیر حالت میں بچوں کے ہمراہ ملیں ۔ 

خاتون نے ہوش میں آنے پر ہی سارا واقعہ بیان کیا جس کے بعد اسے ہسپتال منتقل کیا گیا ۔خاتون کا کہناتھا کہ ڈاکوﺅں نے لاکھوں کے زیوارات اور نقدی لوٹ لی ہے اور اسے اجتماعی زیادتی کا نشانہ بھی بنایا ہے ۔

مزید :

علاقائی -پنجاب -لاہور -