” وہ میرے والد کا کردار ادا کر رہے تھے لیکن میں اپنی ٹھرک پوری کر رہی تھی “ اداکارہ عفت عمر کے بیان نے سوشل میڈیا پر ہنگامہ برپا کر دیا 

” وہ میرے والد کا کردار ادا کر رہے تھے لیکن میں اپنی ٹھرک پوری کر رہی تھی “ ...
” وہ میرے والد کا کردار ادا کر رہے تھے لیکن میں اپنی ٹھرک پوری کر رہی تھی “ اداکارہ عفت عمر کے بیان نے سوشل میڈیا پر ہنگامہ برپا کر دیا 

  

لاہور (ڈیلی پاکستان آن لائن )پاکستانی ڈرامہ انڈسٹری کے نہایت سینئر اور پسند کیے جانے والے اداکار نعمان اعجاز کے بعد اب اداکارہ عفت عمر کی متنازعہ بیان کا کلپ بھی سوشل میڈیا پر وائرل ہو گیاہے جس نے ہنگامہ سا برپا کر دیاہے اور صارفین سیخ پا دکھائی دے رہے ہیں ۔

تفصیلات کے مطابق سوشل میڈیا پر اداکارہ عفت عمر کا ایک ویڈیو کلپ وائرل ہو رہاہے جس کے باعث انہیں شدید تنقید کا سامنا کرنا پڑ رہاہے ، ویڈیو کلپ میں دیکھا جا سکتا ہے کہ اداکارہ کہہ رہی ہیں کہ ”اداکار راحت کاظمی میرے والد کا کردار ادا کر رہے تھے۔میں نے ان کے ساتھ بہت جھپیاں ڈالی تھیں اور میں ان کے ساتھ جھپیاں ڈالنے کے لیے ری ٹیکس کرواتی تھی۔عفت عمر نے مزید کہا کہ اگرچہ راحت کاظمی میرے والد کا کردار ادا کر رہے تھے لیکن میں اپنا ٹھرک پورا کر رہی تھی۔“

کلپ میں دیکھا جا سکتاہے کہ عفت عمر کے اس بیان پر پروگرام میں موجود مہمان قہقہے لگا رہے ہیں ۔عفت عمر کا شمار ان اداکاراوں میں ہوتا ہے جو می ٹو مہم کی حامی رہی ہیں،یہی وجہ ہے کہ ان کو اس بیان کے بعد منفی ردِعمل کا سامنا کرنا پڑ رہا ہے۔یہاں تک کہ جب معروف مصنف خلیل الرحمان نے می ٹو مہم کے خلاف بیان دیا تھا تو عفت عمر نے انہیں شدید تنقید کا نشانہ بنایا۔

صارفین کے رد عمل:

یاد رہے کہ ٹوئٹر پر ٹیلی ویژن اور فلم کے معروف اداکار نعمان اعجاز کے ایک انٹرویو کا کلپ وائرل ہوا ہے۔کلپ میں نعمان کو میزبان عفت عمر کے ساتھ محو گفتگو دیکھا جا سکتا ہے۔ اگرچہ پورا پروگرام تقریباً ایک گھنٹے کا تھا تاہم سوشل میڈیا پر گردش کرنے والے ڈیڑھ منٹ کے کلپ میں دونوں اداکار شادی شدہ زندگی کے بارے میں بات کرتے نظر آتے ہیں۔ایک سوال کے جواب میں نعمان کہتے ہیں کہ وہ اداکاری کی بنا پر ہی اپنی بیوی کو اپنے دیگر معاشقوں کی خبر نہیں ہونے دیتے، جس کے بعد عفت ہنس کر ان سے ایسی ہی کامیاب زندگی گزارنے کے لیے کچھ گر مانگتی ہیں۔

کلپ وائرل ہونے کے بعد سے پاکستانی سوشل میڈیا پر اس معاملے پر خوب بحث جاری ہے۔ زیادہ تر لوگ تو نعمان کی باتیں سن کر حیران ہیں کہ آیا یہ وہی نعمان اعجاز ہیں جنھوں نے دو دہائیوں قبل ملک وجاہت (میرا سائیں) اور میر بالاج (دشت) جیسے مشہور کردار ادا کر کے مداحوں کے دلوں میں جگہ بنائی تھی۔تاہم کئی لوگ نعمان کی حمایت بھی کر رہے ہیں اور ان کا کہنا ہے کہ یہ صرف مذاق تھا اور اسے انٹرٹینمنٹ کی حد تک ہی رکھنا چاہیے۔

مزید :

تفریح -