شانگلہ میں تیسرے روز بھی تیز ہواؤں اور موسلادھار بارش جاری

شانگلہ میں تیسرے روز بھی تیز ہواؤں اور موسلادھار بارش جاری

الپوری(ڈسٹرکٹ رپورٹر) شانگلہ میں تیسرے روز بھی تیز ہواہوں اور گرج چمک کے ساتھ موسلادھار بارش جاری۔میدانی علاقوں میں بھی بارش خوب برسی۔ جبکہ بالائی علاقوں اور پہاڑی سلسلوں پر ژالہ باری اور ہلکی برفباری ہوئی ہے۔ موسلا دھار بارش سے کہیں لنک سڑکوں پر سلائیڈنگ ٹریفک کے روانی میں عوام کو مشکلات کا سامنا۔سردی کی شدت میں ایک بار پھر نمایاں اضافہ ۔ لوگوں نے گرم ملبوسات کا استعما ل پھر سے شروع کیا ہے۔موسلادھار بارش کے بعد الپوری کے لوئی خوڑ ۔کانا کے خان خوڑ سمیت مختلف خوڑو ں اور برساتی نالوں میں طغیانی پانی کے بہاؤ میں اضافہ۔ ادھر بانڈہ پیرآباد موسلادھاربارشوں سے آسمانی بجلی گرنے سے ایک شخص جان بحق جبکہ بارہ افراد بے ہوش ہوگئے۔ اسمانی بجلی گرنے سے بالائی علاقوں میں درجنوں مویشاں بھی ہلاک ہونے کی اطلاع ہے۔ شانگلہ میں موسم خزاں میں جاتی سردی کو ایک بار پھر بریک لگ گئی جاتی سردی ایک بار پھر لوٹ کرآئی ، وادی شانگلہ میں جالا باری سے فصلوں کو نقصان کئی باغات متاثر ہوگئے ، شانگلہ اور مضافاتی علاقوں میں جمعہ اور ہفتہ کی درمیانی شب سے شروع ہونے والی موسلادھار بارش کا سلسلہ پیر تک تھم نہ سکا اور اس سلسلے میں مزید تیزی آئی ہے محکمہ موسمیات کی جانب سے ہفتے کے روز تک جاری بارشوں کے سلسلے کی پیشن گوئی کی ہے ۔

مزید : کراچی صفحہ اول