گزشتہ 5سال میں مسلم لیگ ن کی حکومت نے جنوبی پنجاب کے لئے 37فی صد سے زائد ترقیاتی بجٹ دیا:شہبازشریف

گزشتہ 5سال میں مسلم لیگ ن کی حکومت نے جنوبی پنجاب کے لئے 37فی صد سے زائد ...
گزشتہ 5سال میں مسلم لیگ ن کی حکومت نے جنوبی پنجاب کے لئے 37فی صد سے زائد ترقیاتی بجٹ دیا:شہبازشریف

  

لاہور(ڈیلی پاکستان آن لائن)وزیر اعلی پنجاب شہباز شریف کا کہنا ہے کہ 2008کے بعد ہرسال جنوبی پنجاب کے ترقیاتی بجٹ میں اضافہ کیاگیا،2008تا2013 کے عرصے میں 27فی صدجبکہ گزشتہ 5سالوں میں یہ ریٹ37فی صد تک پہنچ چکا ہے۔

ضرور پڑھیں: اسد عمر کی چھٹی

تفصیلات کے مطابق وزیر اعلی پنجاب شہباز شریف کا خانیوال ،راجن پور،بہاولپور،لیہ اور دیگر اضلاع کے ارکان اسمبلی سے ملاقات میں کہنا تھا کہ مسلم لیگ ن پنجاب اسمبلی میں جنوبی پنجاب اور بہاولپورکے سابق صوبے کی بحالی کے حوالے سے د و قراردادیں پیش کرچکی ہے۔ان کا کہنا تھا کہ بہاول پور صوبہ کی بحالی اور جنوبی پنجاب صوبے کے حوالے سے قراردادلانے کا سہرا مسلم لیگ ن کے سر ہے،جنوبی پنجاب کی ترقی اور خوشحالی کے لئے ساتھ دینے والوں کومحسن سمجھتاہوں۔وزیر اعلی نے کہا کہ مسلم لیگ ن کے دور میں جنوبی پنجاب کے شہروں اور دیہاتوں میں بے مثال ترقی ہوئی ہے جبکہ بجٹ میں اس کا حصہ آبادی کے تناسب سے رکھا گیا ہے۔شہباز شریف کا مزید کہنا تھا کہ اپنا روزگار سمیت حکومت پنجاب کی ہر سکیم میں جنوبی پنجاب کو10فی صد کوٹہ دیا گیا جبکہ سرکاری سکولوں میں بچیوں کو200سے بڑھا کر1000روپے سکالر شپ دیا جارہا ہے۔وزیر اعلی کا کہنا تھا کہ ملک کے وسیع ترمفاد میں تصادم اور محاذآرائی کی پالیسی سے گریز لازم ہے۔

۔۔۔ویڈیو دیکھیں۔۔۔

مزید : قومی /سیاست /علاقائی /پنجاب /لاہور /اہم خبریں