دوسروں کو نصیحت خود میاں فصیحت ، فواد چوہدری نے وبائی مرض میں حکومتی ایس اوپیزکی دھجیاں اڑا دیں ، پارٹی اور اداکاراﺅں کا رقص ، ویڈیو وائرل 

دوسروں کو نصیحت خود میاں فصیحت ، فواد چوہدری نے وبائی مرض میں حکومتی ایس ...
دوسروں کو نصیحت خود میاں فصیحت ، فواد چوہدری نے وبائی مرض میں حکومتی ایس اوپیزکی دھجیاں اڑا دیں ، پارٹی اور اداکاراﺅں کا رقص ، ویڈیو وائرل 

  

اسلام آباد (ڈیلی پاکستا ن آن لائن )دوسروں کو نصیحت اور خود میاں فصیحت ، وفاقی وزیر سائنس و ٹیکنالوجی فواد چوہدری پریس کانفرنسز اور ٹویٹر پر ایس و پیز پر عملدرآمد کی تلقین کرتے نہیں تھکتے اور حکومت شہریوں کے خلاف ماسک نہ پہننے پر مقدمات سمیت چالان کر رہی ہے لیکن وفاقی وزیر کو ان تمام پابندیوں سے ’ استثنیٰ ‘ حاصل ہے اور وہ دھڑلے سے اپنی سالگرہ پر جشن منا رہے ہیں جہاں موسیقی کا اہتمام بھی کیا گیا ۔

تفصیلات کے مطابق فوادچوہدری نے اپنی سالگرہ کے موقع پر پرُ وقار تقریب کا انعقاد کیا جس میں خوب سجاوٹ کی گئی اور شوبز کی شخصیات کو بھی شرکت کی دعوت دی گئی ، تقریب کی سامنے آنے والی ویڈیو ز میں صاف دکھائی دیتا ہے کسی ایک شخص نے بھی ماسک نہیں پہن رکھا اور نہ ہی سماجی فاصلے کا خیال رکھا بلکہ قوالی کی دھن پر جھومتے ہوئے دکھائی دیئے ۔

فواد چوہدری کی سالگرہ کی پارٹی میں معروف اداکارہ ریشم اور حرامانی نے اپنے شوہر سلمان ثاقب کے ہمراہ شرکت کی اور قوالی کی دھن پر ہلکا پھلکا رقص کرتی ہوئی بھی دکھائی دیں ۔ فواد چوہدری کی اہلیہ نساءحسین ابھرتی ہوئی فیشن ڈیزائنر ہیں جنہوں نے اپنے شوہر کیلئے اس پارٹی کا اہتمام کیا اور ساتھ ہی مہمانوں کو محظوظ کرنے کیلئے قوالی بھی کروائی ۔

یاد رہے کہ فواد چوہدری جہلم کے حلقہ سے 2018 کے عام انتخابات میں کامیاب ہوئے تھے اور وہ تحریک انصاف کی کور کمیٹی کے ممبر بھی ہیں ۔

مزید :

قومی -ڈیلی بائیٹس -