کرم ایجنسی میں شدت پسندوں کا حملہ ،10مزدوراغواء
ہنگو(مانیٹرنگ ڈیسک) کرم ایجنسی کے علاقے میں شدت پسندوں نے حملہ کرکے 10مزدوروں کواغواءکرلیا۔ پولیٹیکل حکام کے مطابق وسطی کرم ایجنسی کے علاقے میں شدت پسندوں نے ایک سکول پر حملہ کیااور توڑ پھوڑ کے بعد آگ لگادی ۔ حکام نے بتایاکہ شدت پسند جاتے ہوئے 10مزدوروں کو بھی ساتھ لے گئے جو سکول میں کام کررہے تھے تاہم نجی ٹی وی چینل کے مطابق اغواءہونیوالے مزدور زیرتعمیر سرکی روڈ پر کام کیلئے موجود تھے ۔
