کامن ویلتھ گیمز، کوالیفائنگ راؤنڈ میں شرکت کیلئے قومی ٹیم2 ستمبر کو روانہ ہوگی

اسلام آباد(اے پی پی) قومی ویٹ لفٹنگ ٹیم کامن ویلتھ گیمز کے کوالیفائنگ راؤنڈ میں شرکت کیلئے2 ستمبر کو آسٹریلیا روانہ ہوگی اور ایونٹ3 سے 6 ستمبر تک کھیلا جائے گا۔ ایونٹ کی تیاری کے سلسلہ میں ٹیم کے کھلاڑیوں کا تربیتی کیمپ پاکستان سپورٹس کمپلیکس، اسلام آباد میں جاری ہے اور تربیتی کیمپ میں آٹھ کھلاڑی حصہ لے رہے ہیں ۔
جن میں عبداللہ غفور(56 کلو گرام)، محمد شہزاد اور طلحہ طالب( 62کلو گرام(، ابوسفیان (69 کلو گرام)، عثمان امجد راٹھور (94 کلو گرام)، فرقان انور (77 کلوگرام)، انس جاوید اور حافظ جمیل (105کلو گرام( شامل ہیں ان کھلاڑیوں کو علی اسلم اور محمد الیاس بٹ اعلیٰ اور جدید تربیت دے رہے ہیں۔