کراچی،مغوی بچی کو واپس گھر لانے والے ہی اغوا کار نکلے

کراچی،مغوی بچی کو واپس گھر لانے والے ہی اغوا کار نکلے

کراچی(آئی این پی)کراچی کے علاقے فرئیر ٹاؤن سے ایک ڈھائی سالہ بچی کے اغوا ء میں ملوث خاتون اور اس کے 2 ساتھیوں کو گرفتار کرلیا گیا۔پولیس کے مطابق ملزمان نے بچی کو گھر کے باہر کھیلتے ہوئے اغواء کیا، لیکن خبر اور سی سی ٹی وی ویڈیو میڈیا پر چلنے کے بعد ملزمان خود ہی بچی کو واپس لائے اور دعویٰ کیا کہ بچی انہیں باہر سے ملی تھی، تاہم تفتیش پر انہوں نے اغوا ء کا اعتراف کرلیا۔پولیس کے مطابق سابق وزیر اعجاز جاکھرانی کی کم سن پوتی حورین کو 2 روز قبل کراچی میں فریئر تھانے کی حدود میں واقع ان کے گھر کے باہر سے اغوا ء کیا گیا تھا، جس کی اطلاع پولیس کو دے دی گئی، تاہم کچھ ہی دیر بعد بچی کے ملنے پر اہل خانہ نے معاملہ ختم کردیا۔ عمارت میں لگے سی سی ٹی وی کیمروں کی ویڈیو سے پولیس نے ملزمان کا پتا لگا لیا۔ویڈیو میں ایک خاتون کو بچی کو لے جاتے ہوئے دیکھا جاسکتا ہے۔جس کے بعد پولیس نے کارروائی کرتے ہوئے اغوا ء کار خاتون اور اس کے دو ساتھیوں کو گرفتار کرلیا۔

اغواء کارگرفتار

مزید : علاقائی