جنرل اسمبلی کے نو منتخب صدر دو روزہ دورہ پر پاکستان پہنچ گئے  

      جنرل اسمبلی کے نو منتخب صدر دو روزہ دورہ پر پاکستان پہنچ گئے  

  

اسلام آباد (مانیٹرنگ ڈیسک) اقوام متحدہ کی جنرل اسمبلی کے نئے منتخب صدر ولکن بوزکیر پاکستان کے دو روزہ دورہ پر اسلام آباد پہنچ گئے،ائیر پورٹ پر اعلیٰ حکام نے استقبال کیا۔دفتر خارجہ کی جانب سے جاری بیان کے مطابق وزیر خارجہ شاہ محمود قریشی جنرل اسمبلی کے صدر کیساتھ اقوام متحدہ کے اہداف کے تین بنیادی ستونوں امن و استحکام، ترقی اور انسانی حقوق سے متعلق امور پر تفصیلی بات چیت کریں گے۔جنرل اسمبلی کے صدر، وزیراعظم عمران خان سے بھی ملاقات کریں گے۔ ان کا دورہ دوسرے امور کے علاوہ بین الاقوامی امن و سلامتی کے فروغ کیلئے اقوام متحدہ کی کوششوں میں پاکستان کے مضبوط اور بنیادی تعاون خاص طور پر دنیا بھر میں اقوام متحدہ کے امن کارروائیوں میں ہمارے تعاون کو اجاگر کرنے کا ایک اہم موقع ہے۔ولکان بازکر ترکی کے پہلے باشندے ہیں جو اقوام متحدہ کی جنرل اسمبلی کے صدر منتخب ہوئے ہیں۔ وہ جنرل اسمبلی کے تاریخی اور اہم اجلاس کی صدارت کریں گے کیونکہ اقوام متحدہ رواں سال اپنا 75 واں یوم تاسیس منارہا ہے۔

صدر جنرل اسمبلی

مزید :

صفحہ اول -