سعودی نرس کا جان پر کھیل کر حادثے کے شکار خاندان کی مدد
ریاض (این این آئی)سعودی عرب میں نرس نے ٹریفک حادثے کا شکار ہونے والے ایک خاندان کی انسانی ہمدردی کی بنیاد پر جان پر کھیل کر مدد کر کے اپنے پیشے سے وابستہ دیگر کارکنان کے لیے عمدہ مثال قائم کی ہے عرب ٹی وی کے مطابق مدینہ منورہ کی الحناکیہ گورنری میں المحفر ہیلتھ سنٹر میں کام کرنے والی نرس خلود الصعدی نے بتایا کہ وہ کام سے چھٹی کے بعد گھر واپس آرہی تھی کہ راستے میں ایک کار حادثے کا شکار ہوئی دیکھی حادثے میں ایک ہی خاندان کے متعدد افراد زخمی ہو گئے تھے خلود نے بتایا کہ اس کی گاڑی میں فوری طبی امداد کا سامان موجود تھا گاڑی میں موجود طبی سامان نکالا اور زخمی ہونے والے افراد کی مرہم پٹی کی اس نے بتایا کہ ہلا ل احمر کی ٹیم کے پہنچنے تک وہ زخمیوں کو بہتر بنانے اور ان کی زندگی بچانے میں کامیاب ہو گئی تھی۔مدینہ منورہ کے شعبہ صحت کے ترجمان موید ابو عنق نے خلود الصاعدی کے انسانی ہمدردی کے جذبے کو سراہا۔ انہوں نے کہا کہ خلود الصاعدی جیسے نوجوان سعودی قوم کے ہیرو ہیں جو اپنی جانوں کی پرواہ کیے بغیر دوسروں کو مشکل سے نکالنے میں ان کی مدد میں پیش پیش ہیں۔ ترجمان ابو عنق نے بتایا کہ مدینہ منورہ کے ڈائریکٹر جنرل برائے صحت ڈاکٹر محمد الخلاوی نے ٹیلیفون پر نرس خلود الصاعدی سے بات کی اور اس کی بروقت متاثرہ خاندان کی مدد پر اس کا شکریہ ادا کیا اور اس کی حوصلہ افزائی کی ہے۔
سعودی نرس
