ایران سے بجلی کی فراہمی بند،  مکران میں 2دن سے بجلی غائب

ایران سے بجلی کی فراہمی بند،  مکران میں 2دن سے بجلی غائب

  

  مکران  (آئی این پی) بلوچستان کے علاقے مکران میں ایران سے آنے والی بجلی کی فراہمی ایک بار پھر بند کردی گئی، نیشنل گرڈ سے منسلک نہ ہونے پر مکران کی بجلی کا دار و مدار ایران پر ہے۔ تفصیلات کے مطابق صوبہ بلوچستان کے علاقے مکران میں بجلی کی فراہمی گزشتہ روز سے بند ہے جس کے باعث مکران کے تینوں اضلاع متاثر ہیں۔ مقامی افراد کا کہنا ہے کہ 24 گھنٹے  میں بجلی صرف رات میں 4 گھنٹے دستیاب ہوتی ہے۔ واپڈا ذرائع کے مطابق کم پاور کی وجہ سے ایران نے مکران کی بجلی بند کردی ہے، نیشنل گرڈ سے منسلک نہ ہونے پر مکران کی بجلی کا دار و مدار ایران پر ہے۔ مقامی افراد کا کہنا ہے کہ گزشتہ دنوں بھی 2 ہفتے تک مکران کی بجلی منقطع رہی تھی۔

بجلی غائب

مزید :

صفحہ اول -