سندھ میں بینظیرمزدور  کارڈ کیلئے 174 ڈیٹا  آپریٹرز کی بھرتی کی منظوری

سندھ میں بینظیرمزدور  کارڈ کیلئے 174 ڈیٹا  آپریٹرز کی بھرتی کی منظوری

  

 کراچی(آئی این پی) سندھ سوشل سیکیورٹی انسٹیٹیوٹ میں تین ماہ کیلئے ایک سو باسٹھ کنسلٹنٹ، ڈاکٹرز اور پیرامیڈیکل اسٹاف کو بھرتی کیا جائے گا، بینظیرمزدور کارڈ کیلئے ایک سو چوہتر ڈیٹا آپریٹرز کی بھرتی کی بھی منظوری دیدی گئی۔ وزیرمحنت سعید غنی کی زیر صدارت سندھ سوشل سیکورٹی انسٹیٹیوٹ کی گورننگ باڈی کا اجلاس ہوا، کراچی میں سیسی کے تین ہسپتالوں کڈنی سینٹر، لانڈھی ہسپتال اور ولیکا ہسپتال سائٹ میں کوویڈ وارڈ بنانے، مریضوں کو وینٹی لیٹرز، آئی سی یو سمیت دیگر سہولیات کی فراہمی پرتبادلہ خیال کیا گیا۔ سعید غنی نے کہا کہ کڈنی ہسپتال میں کوویڈ وارڈ موجود ہے، لانڈھی اور سائٹ کے ہسپتالوں میں یہ وارڈز بنائے جارہے ہیں، گورننگ باڈی نے تین ماہ کیلئے ڈاکٹرز، پیرامیڈیکل اسٹاف کی بھرتی کی منظوری دیدی، اجلاس میں سیسی ہسپتالوں کے ڈاکٹروں، پیرا میڈیکل اسٹاف کو کوویڈ رسک الانس دینے کی بھی منظوری دی۔

بھرتی

مزید :

پشاورصفحہ آخر -