سیالکوٹ کے نواحی علاقے میں 200 روپے پر دو افراد قتل
سیالکوٹ(ڈیلی پاکستان آن لائن ) تھانہ نیکا پورہ کے علاقہ ٹبہ سیداں میں منشیات کی خریداری کیلئے 200 روپے کے لین دین پر 2 افراد کو قتل کردیا گیا۔
نجی ٹی وی ایکسپریس نیوز کے مطابق تھانہ نیکا پورہ کے علاقہ ٹبہ سیداں میں منشیات کی خریداری کیلئے ملزم عمران عرف منا نے 200 روپے پر تلخ کلامی ہونے پر فہد مشتاق اور گلزار کو چھریوں کے وار کر کے موت کے گھاٹ اتار دیا۔ملزم نے قتل کرنے کے بعد تھانے میں گرفتاری دے دی جب کہ پولیس نے اس کے خلاف مقدمہ درج کر کے کارروائی شروع کر دی ہے۔
