معروف بھارتی اداکارہ برین ٹیومر کے باعث چل بسیں

معروف بھارتی اداکارہ برین ٹیومر کے باعث چل بسیں
معروف بھارتی اداکارہ برین ٹیومر کے باعث چل بسیں

  

کیرالہ (ویب ڈیسک) ساؤتھ انڈین فلموں کی معروف اداکارہ  شرنیا سسی شارو 10 سال تک برین ٹیومر سے لڑنے کے بعد زندگی کی بازی ہار گئیں، میڈیا میں یہ بھی کہا جارہا ہے کہ دوران علاج انہوں نے مالی مشکلات کا سامنا  کیا تاہم انڈسٹری کی بہت سی شخصیات ان کی مدد کے لیے آگے بھی آئیں۔

بھارتی میڈیا کے مطابق ساؤتھ انڈین فلموں کی نامور اداکارہ نے 9 اگست کو ایک نجی ہسپتال میں اپنی زندگی کی آخری سانسیں لیں۔ شرنیا گزشتہ 10 برس سے برین ٹیومر میں مبتلا تھیں اور محض 35 برس کی تھیں۔میڈیا رپورٹس کے مطابق دوران علاج اداکارہ شرنیا کی 11 بڑی سرجریاں ہوئیں۔ چند ہفتوں قبل اداکارہ شرنیا کووڈ19 کا شکار ہوگئی تھیں جس کی وجہ سے انہیں ہسپتال میں داخل کیا گیا تھا۔ تاہم کورونا وائرس سے صحت یاب ہونے کے بعد نمونیہ اور خون میں سوڈیم لیول کی کمی کے باعث انہیں دوبارہ ہسپتال میں داخل کیا گیا۔ جہاں گزشتہ روز انہوں جنوبی بھارت کی ریاست کیرالہ کے شہر کے ایک نجی ہسپتال میں آخری سانسیں لیں۔

اداکارہ شرنیا ملالم ٹی وی کی معروف اداکارہ تھیں اور انہوں نے متعدد ٹی وی سیریلز میں اہم کردار ادا کیے تھے۔ اداکارہ کی موت پر شوبز سے وابستہ افراد نے افسوس کا اظہار کیا ہے۔

مزید :

تفریح -