آئی سی سی کے سابق امپائر "روڈی کوئٹزن "ٹریفک حادثے میں جاں بحق

آئی سی سی کے سابق امپائر "روڈی کوئٹزن "ٹریفک حادثے میں جاں بحق
آئی سی سی کے سابق امپائر

  

 کیپ ٹاﺅن(ڈیلی پاکستان آن لائن ) انٹرنیشنل کرکٹ کونسل (آئی سی سی) ایلیٹ پینل کے سابق امپائر جنوبی افریقہ کے امپائر روڈی کوئٹزن ٹریفک حادثے میں انتقال کرگئے۔

خبر رساں ادارے کے مطابق جنوبی افریقا کے شہر ریور سڈیل میں کار حادثہ پیش آیا جس میں سابق امپائر سمیت 3 افراد زندگی کی بازی ہار گئے، روڈی کوئٹزن نے اپنے انٹرنیشنل کیرئیر کے دوران 397 میچوں میں آن فیلڈ اور تھرڈ امپائر کا کردار ادا کیا، انہوں نے 128 ٹیسٹ، ریکارڈ 250 ون ڈے اور 19 ٹی20 میچوں میں امپائرنگ کے فرائض نبھائے۔

  آئی سی سی کے ایلیٹ پینل امپائر کوئٹزن 1990 سے 2010 تک کرکٹ کی دنیا سب سے زیادہ میچوں میں نمائندگی کرنے کا اعزاز اپنے نام رکھتے ہیں، وہ بین الاقوامی سطح پر تقریباً 400 میچوں میں امپائرنگ کرچکے ہیں۔

مزید :

کھیل -