حکمران جماعتوں میں امریکی وفاداری اختیار کرنے کا مقابلہ ہے، سراج الحق

لاہور (ڈیلی پاکستان آن لائن) جماعت اسلامی کے امیر جماعت اسلامی حکمران جماعتوں میں امریکی وفاداری اختیار کرنے کا مقابلہ ہے۔ 

اپنے بیان میں سراج الحق کا کہنا تھا کہ اتحادی حکومت نے کم ترین مدت میں بدترین گورننس کا ریکارڈ توڑ دیا،وزیراعظم اور کابینہ عوام کو تکلیفیں دینے پر معافی مانگیں، پی ڈی ایم اور پیپلزپارٹی نے غریبوں کو بجلی کے جھٹکے دیےاور پٹرول بم گرائے۔ انہوں نے کہا کہ حکمران ائیرپورٹس، سٹیل ملز، موٹرویز کے سودے کر رہے ہیں،حکمرانوں کا بس چلے تو پورا ملک بیچ دیں، بس اقتدار چاہیے۔ ان کا کہنا تھا کہ  حکمرانوں نے 16ماہ میں قرضے لیے ، اپنے کیسز معاف کرائے، ہر پاکستانی کا فرض ہے کہ فرسودہ نظام کے خلاف جدوجہد کرے۔