الیکشن کمیشن نے وفاقی سطح پر ٹرانسفر پوسٹنگ پر پابندی لگادی

اسلام آباد (ڈیلی پاکستان آن لائن) الیکشن کمیشن کی جانب سے وفاقی سطح پر ٹرانسفر پوسٹنگ پر پابندی لگادی گئی ہے،الیکشن کمیشن کی جانب سے سیکرٹری اسٹیبلشمنٹ کو لکھے گئے خط میں کہا گیا کہ قومی اسمبلی اور وفاقی کابینہ تحلیل  ہو چکی، نگران سیٹ اپ کی تشکیل تک ہر قسم کی ٹرانسفر پوسٹنگ روک دی جائے، جلد نگران وزیراعظم اور کابینہ کی تشکیل ہو جائے گی، علم میں آیا ہے کہ بڑے پیمانے پر وزارتوں اور ڈویژنز میں ٹرانسفر پوسٹنگ کی منصوبہ بندی کی گئی ہے۔ نگران حکومت کے آنے تک ایسے کسی بھی اقدام گریز کیا جائے، نگران حکومت کی تشکیل کے بعد قانون اور پالیسی کے مطابق ٹرانسفر پوسٹنگ کی جا سکتی ہے۔