شوہر کا اغوا زندگی کا سب سے مشکل وقت تھا،سنیتا مارشل

  شوہر کا اغوا زندگی کا سب سے مشکل وقت تھا،سنیتا مارشل
   شوہر کا اغوا زندگی کا سب سے مشکل وقت تھا،سنیتا مارشل

  



لاہور(فلم رپورٹر)اداکارہ و ماڈل سنیتا مارشل نے ایک انٹرویو میں انکشاف کیا کہ ان کے شوہر اداکار حسن احمد کو کئی سال قبل اغوا کرلیا گیا تھا اور وہ وقت ان کی زندگی کا سب سے مشکل وقت تھا۔سنیتا مارشل حال ہی میں ”روائنڈ ود ثمینہ“کا حصہ بنیں جہاں انہوں نے اپنی زندگی کے کئی اہم پہلوؤں پر بات کی۔اس موقع پر سنیتا مارشل نے بتایا کہ حسن کو 35 روز کے لئے نامعلوم افراد نے اغوا کرلیا تھا اور جب وہ گھر واپس پہنچے تو ذہنی طور پر کافی متاثر ہوچکے تھے۔اس واقعے کو یاد کرتے ہوئے سنیتا مارشل نے کہا کہ بیٹے کی پہلی سالگرہ ہم نے 19 مارچ کو منائی اور 21 مارچ کی رات کسی نے حسن کو اغوا کرلیا، 35 دنوں تک حسن اغوا رہے، اغوا کاروں نے مجھ سے رابطہ کیا، تاوان کا انتظام کیا گیا، میں سی پی ایل سی سے بھی رابطے میں رہی۔

، پہلے دن سے انہوں نے میری مدد کی، جب میرا دوست تاوان کی ادائیگی کے لئے گیا تو سی پی ایل سی والے اس کے ساتھ گئے تھے۔سنیتا مارشل نے روتے ہوئے مزید بتایا کہ اس موقع پر ہم فون کررہے تھے تو سی پی ایل سی والوں نے فون نہیں اٹھایا، صبح کے 6 بجے تک یہ کہانی چلتی رہی، ہم بس انتظار میں تھے کہ اب کیا نیوز آئے گی، مجھے ڈر تھا کہ کہیں اغوا کاروں نے حسن کو مار نہ دیا ہو، وہ رات بہت مشکل تھی، لیکن آخر کار حسن گھر واپس آئے لیکن ذہنی طور پر وہ بہت پریشان ہوچکے تھے۔انہوں نے اپنے شوہر کی صورتحال شیئر کرتے ہوئے بتایا کہ حسن جب گھر کے باہر پہنچا تو اسے یقین نہیں آرہا تھا کہ کیوں کہ اسے تو ایسا محسوس ہورہا تھا کہ اسے مار کر کس نالے میں پھینک دیا جائے گا’۔اداکارہ کے مطابق‘ان 35 دنوں میں جب حسن نہیں تھا تو میں اتنا پریشان تھی کہ میں نے 8 کلو وزن کم کیا۔

مزید : کلچر