”اب ٹیموں کو پاکستان نہ آ نے کی وجہ بتانی ہوگی اور۔۔۔“ احسان مانی نے شاندار اعلان کر دیا، سری لنکا کے بعد کون سی ٹیمیں پاکستان کا دورہ کریں گی؟ زبردست خوشخبری بھی سنا دی

”اب ٹیموں کو پاکستان نہ آ نے کی وجہ بتانی ہوگی اور۔۔۔“ احسان مانی نے شاندار ...
”اب ٹیموں کو پاکستان نہ آ نے کی وجہ بتانی ہوگی اور۔۔۔“ احسان مانی نے شاندار اعلان کر دیا، سری لنکا کے بعد کون سی ٹیمیں پاکستان کا دورہ کریں گی؟ زبردست خوشخبری بھی سنا دی

  



لاہور (ڈیلی پاکستان آن لائن) پاکستان کو اب مزید نیوٹرل مقام پر اپنی ہوم سیریز نہیں کھیلنی پڑیں گی کیونکہ سری لنکا کے خلاف ٹیسٹ سیریز کے ذریعے ملک میں انٹرنیشنل کرکٹ کی واپسی ہو رہی ہے اور پاکستان کرکٹ بورڈ (پی سی بی) چیئرمین کا کہنا ہے کہ اب ٹیموں کو پاکستان نہ آنے کی وجہ بتانی ہو گی۔

تفصیلات کے مطابق 2009ءمیں لاہور میں سری لنکن ٹیم پر دہشت گردوں کے حملے کے بعد پاکستان پر انٹرنیشنل کرکٹ کے دروازے بند ہو گئے تھے اور محدود اوورز کی ملک میں بتدریج واپسی کے باوجود ملک میں ٹیسٹ کرکٹ کی واپسی نہ ہو سکی۔تاہم سری لنکا نے ایک مرتبہ پھر جرات مندانہ قدم اٹھاتے ہوئے پاکستان میں ٹیسٹ کرکٹ کی بحالی میں کردار کیا اور پاکستان میں ٹیسٹ میچ کھیلنے کی دعوت قبول کر لی۔

چیئرمین پاکستان کرکٹ بورڈ(پی سی بی) نے کہا کہ سری لنکن ٹیم کے دورہ پاکستان آنے کے بعد اب دیگر ٹیموں کو وجہ بتانا ہو گی کہ وہ پاکستان میں کیوں نہیں کھیل سکتے۔انہوں نے خبر رساں ایجنسی سے گفتگو کرتے ہوئے کہا کہ یہ بات منطقی ہے کہ پاکستان میں کرکٹ کی واپسی ہو رہی ہے، لوگوں کا پاکستان کے بارے میں جو تاثر ہے وہ پاکستان کے زمینی حقائق سے بالکل مختلف ہے۔

ان کا کہنا تھا کہ لوگوں کا گزشتہ سال، دو سال سے پاکستان کے بارے میں جو تاثر تھا وہ حقیقت سے بالکل مختلف ہے اور اب حالات بہت بہتر ہو گئے ہیں۔احسان مانی نے بتایا کہ جب ان ملکوں کے نمائندوں نے حقیقت دیکھی تو ان کا رویہ بہت مختلف تھا، حقیقتاًکرکٹ آئرلینڈ کے چیف ایگزیکٹو نے کا ردعمل بہت مثبت تھا اور انہوں نے کہا کہ پاکستان نے آنے کے حوالے سے وجہ کے بارے میں سوچنا ہو گا۔

چیئرمین پی سی بی نے کہا کہ ان کے کرکٹ آسٹریلیا اور انگلش کرکٹ بورڈ کے حکام سے بھی مذاکرات ہوئے اور امید ہے کہ آئندہ 3سال کے دوران ان ٹیموں کی بھی پاکستان آمد ہو گی۔انہوں نے کہا کہ مجھے امید ہے کہ 2021ءمیں انگلینڈ اور 2022ءمیں آسٹریلیا کی ٹیم پاکستان کا دورہ کرے گی۔

احسان مانی نے کہا کہ ہماری 24-2023ءتک نیوزی لینڈ سے کوئی سیریز شیڈول نہیں لیکن ہم نے اصولی فیصلہ کیا ہے کہ اب ہماری ٹیم اپنے تمام ہوم میچز پاکستان میں ہی کھیلے گی۔ملک میں 10سال کے طویل عرصے کے بعد ٹیسٹ کرکٹ کی واپسی کے باوجود چیئرمین پی سی بی ٹیسٹ میچوں میں زیادہ تعداد میں شائقین کی آمد کی توقع نہیں جہاں اس کے برعکس اکتوبر میں لاہور میں سری لنکا ہی کے خلاف ٹی20 میچوں میں اسٹیڈیم شائقین سے کھچا کھچ بھرا ہوا تھا۔

انہوں نے کہا کہ برصغیر میں عوام ٹیسٹ کرکٹ دیکھنے کے لیے زیادہ تعداد میں اسٹیڈیم کا رخ نہیں کرتے بلکہ آسٹریلیا اور انگلینڈ کے علاوہ دنیا بھر میں ٹیسٹ میچ دیکھنے کے لیے اسٹیڈیم آنے والوں کی تعداد کم ہو رہی ہے۔

مزید : کھیل