پی ایس ایل 9 کے میچز پاکستان میں کرانے کا فیصلہ ، 4وینیوز فائنل

پی ایس ایل 9 کے میچز پاکستان میں کرانے کا فیصلہ ، 4وینیوز فائنل
پی ایس ایل 9 کے میچز پاکستان میں کرانے کا فیصلہ ، 4وینیوز فائنل

  IOS Dailypakistan app Android Dailypakistan app


لاہور (آئی این پی ) پاکستان سپر لیگ  (پی ایس ایل  )کے ایڈیشن 9 کے تمام میچز پاکستان میں ہی کرائے جانے کا فیصلہ کر لیا گیا۔

 پاکستان سپر لیگ کے مداحوں کے لئے اچھی خبر آگئی، پی ایس ایل 9 کے تمام میچز پاکستان میں ہی  کھیلے جائیں گے۔ پی ایس ایل مینجمنٹ کو حکومتی اداروں کی جانب سے میچز پاکستان میں کروانے کا گرین سگنل جلد موصول ہونے کا امکان ہے جبکہ اس حوالے سے اعلان بھی جلد کردیا جائے گا۔ پی ایس ایل 9 کے میچز پاکستان کے 4 وینیوز پر کروائے جائیں گے جبکہ افتتاحی تقریب اور فائنل کہاں ہوگا اس حوالے سے فرنچائزز نے اپنی اپنی رائے دے دی ہے۔

ذرائع کے مطابق کراچی کنگز فائنل کراچی جبکہ لاہور قلندرز فائنل لاہور میں کروانے کی خواہاں ہے جبکہ ایونٹ کی افتتاحی تقریب لاہور میں منعقد کروائے جانے کا امکان ہے۔ باقی وینیوز میں راولپنڈی اور ملتان شامل ہوں گے اور پی ایس ایل 9 کا آغاز 18 فروری سے ہونے کا امکان ہے۔ پشاور زلمی بھی پشاور میں میچز کروانے کا عندیہ دے چکی ہے تاہم ، پی سی بی نے تاحال پشاور کو وینیو لسٹ میں شامل نہیں کیا۔

یاد رہے کہ پاکستان میں الیکشنز کی وجہ سے پی ایس ایل کو یو اے ای منتقل کرنے کی تجویز پی سی بی نے فرنچائزز کو دی تھی۔

مزید :

PSL -PSL News Update -