نیب میں بھی کرپشن ،11 افسر 3سال کیلئےکہاں اور کیوں ٹرانسفر کر دیئے گئے ؟ جانیے

لاہور(مانیٹرنگ ڈیسک )نیب میں بھی کرپشن ،11 افسر 3سال کیلئےکہاں اور کیوں ٹرانسفر کر دیئے گئے ؟ اس حوالے سے تازہ ترین معلومات سامنے آئی ہیں ۔ جن پرچئیرمین نیب لیفٹیننٹ جنرل (ر) نذیر احمد بٹ کی ہدایت پر کرپشن میں ملوث نیب افسران کے خلاف ایکشن کا آغاز کر دیا گیا ہے ۔
تفصیلات کے مطابق معتبر ذرائع نے ’’جنگ‘‘ کو بتایا کہ اس حوالے سے 11سینئر نیب افسران کے خلاف مبینہ کرپشن کی رپورٹس اور ثبوتوں کی بنیاد پر انہیں 3سال کے لئے دوسری وزارتوں میں ٹرانسفر کر دیا گیا۔ چئیرمین نیب نے ملک کی اعلیٰ خفیہ سول ایجنسی انٹیلی جنس بیورو (آئی بی ) کو نیب میں تعینات افسران کے کرپشن میں ملوث ہونے کے حوالے سے رپورٹس تیار کرنے کا کہا تھا ۔ آئی بی کی طرف سے مرتب کردہ رپورٹس کی روشنی میں ان افسران کو 3سال کے لئے دوسری وزارتوں میں بھجوایا گیا ہے۔
ذرائع نے بتایا کہ چئیرمین نیب لیفٹیننٹ جنرل (ر) نذیر احمد بٹ کی طرف سے احتساب کے ادارے میں خود احتسابی کے عمل کو بیوروکریسی کی طرف سے انتہائی حوصلہ افزا ءاور مثبت قدم قرار دیا گیا ہے۔پنجاب میں تعینات بیورو کریسی کے مطابق اس اقدام سے نہ صرف نیب کے احتساب کے عمل میں مزید شفافیت آئیگی بلکہ ادارے کے وقار میں بھی اضافہ ہوگا۔