انڈر 19 ایشیاء کپ، پاکستان اور بھارت کے درمیان میچ کا فیصلہ آگیا

انڈر 19 ایشیاء کپ، پاکستان اور بھارت کے درمیان میچ کا فیصلہ آگیا
انڈر 19 ایشیاء کپ، پاکستان اور بھارت کے درمیان میچ کا فیصلہ آگیا

  IOS Dailypakistan app Android Dailypakistan app

دبئی (ڈیلی پاکستان آن لائن)انڈر 19 ایشیا کپ میں پاکستان نے اذان اویس کی شاندار سنچری کی بدولت بھارت کو 8 وکٹوں سے شکست دیکر ٹورنامنٹ میں مسلسل دوسری کامیابی حاصل کرلی۔

دبئی میں جاری اے سی سی انڈر 19کرکٹ ایشیا کپ میں اتوار کو  پاکستان ٹیم نے ٹاس جیت کر بھارتی انڈر 19 ٹیم کو پہلے بیٹنگ کی دعوت دی۔بھارتی ٹیم نے مقررہ 50 اوورز میں 9 وکٹوں پر 259 رنز بنائے۔ادرش سنگھ 62، ادے شرن 60 اور سچن دھاس نے 58 رنز کی اننگز کھیلی۔

 پاکستان کی جانب سے محمد ذیشان نے شاندار باولنگ کرتے ہوئے 4 کھلاڑی آؤٹ کیے جبکہ عامر حسین اور عبید شاہ نے 2،2 وکٹیں حاصل کیں۔پاکستان  انڈر 19کرکٹ ٹیم نے بھارت کا 260 رنز کا ہدف با آسانی 47 اوورز میں 2 وکٹوں کے نقصان پر پورا کرلیا۔اذان اویس 105 اور کپتان سعد بیگ نے 68 رنز کی ناقابل شکست اننگز کھیلی۔

 گرین شرٹس کی جانب سے اذان اویس نے شاندار سنچری سکور کی اور پاکستان کو بھارت کے خلاف میچ جتوانے میں اہم کردار ادا کیا۔اس کے علاوہ شاہ زیب خان نے 63 اور شیمل حسین نے 8 رنز بنائے۔

مزید :

کھیل -اہم خبریں -