زرمبادلہ کے ذخائر 12 ارب ڈالر سے تجاوز کر گئے: وزیر خزانہ

اسلام آباد (ویب ڈیسک) وفاقی وزیر خزانہ محمد اورنگزیب کا کہنا ہے کہ ملکی زرمبادلہ کے ذخائر 12 ارب ڈالر سے تجاوز کر گئے ہیں۔

نجی ٹی وی "ایکسپریس نیوز" کے مطابق وفاقی وزیر خزانہ کا کہنا تھا کہ برآمدات میں اضافے کے باعث مالی اور کرنٹ اکاؤنٹ سرپلس ہیں، برآمدی شعبے کی بہتر کارکردگی میں بہتری سمیت معیشت درست سمت گامزن ہے۔

ان خیالات کا اظہار انھوں نے ملاقات کے لیے آئے ہوئے غیرملکی سرمایہ کاروں کے وفد سے گفتگو کرتے ہوئے کیا، ملاقات کیلیے آنے والے اعلیٰ سطح کے وفد میں زیادہ تر امریکی سرمایہ کارشامل تھے۔