بھارتی ایئر بیس پر حملے کی تحقیقات کی ہمیں کوئی رپورٹ نہیں ملی،رانا ثناء اللّٰہ

بھارتی ایئر بیس پر حملے کی تحقیقات کی ہمیں کوئی رپورٹ نہیں ملی،رانا ثناء ...

  

لاہور ( آئی این پی) صوبائی وزیر قانون و پارلیمانی امور رانا ثنا اللہ خان نے کہا ہے کہ عمران خان کے لڑکھڑانے کی وجوہات ریحام بتاچکی ہیں ، وہ جعلی نہیں ممنوعہ دوائیاں کھاتے ہیں، وہ منگل کو پنجاب اسمبلی کے احاطہ میں میڈیا سے گفتگو کررہے تھے۔انہوں نے کہا کہ اورنج لائن میٹرو ٹرین کافیصلہ 1991ء سے اب تک کئی بارہوچکا ہے، یہ منصوبے 1991ء کی لاگت سے بھی کم لاگت سے لگائے جا رہے ہیں، اورنج لائن منصوبے پرعمران خان جھوٹا پروپیگنڈا کررہے ہیں، انہیں اس معاملے کو سیاسی رنگ نہیں دینا چاہیے ۔ انہوں نے کہا کہ عمران خان کبھی کرکٹ میں ہیٹ ٹرک نہیں کرسکے تو شادی میں کیسے کرسکتے ہیں۔پٹھان کوٹ ایئربیس حملے سے متعلق صوبائی وزیرنے کہا کہ بھارتی ایئر بیس پر حملے کے حوالے سے تحقیقاتی ٹیم تفتیش کررہی ہے، اس کی جانب سے پنجاب حکومت کو کوئی رپورٹ نہیں ملی، اگرجے آئی ٹی نے مولانا مسعود اظہر کو بے گناہ قرار دے دیا تو انہیں حراست میں رکھنا غیر قانونی ہوگا۔

راناثناء اللہ

مزید :

راولپنڈی صفحہ آخر -