زینب کے قاتل کو پکڑنے پر آئی جی پنجاب کے مشکور ہیں، سپریم کورٹ، چالان جمع کروانے پر ازخود کیس نمٹا دیا

زینب کے قاتل کو پکڑنے پر آئی جی پنجاب کے مشکور ہیں، سپریم کورٹ، چالان جمع ...
زینب کے قاتل کو پکڑنے پر آئی جی پنجاب کے مشکور ہیں، سپریم کورٹ، چالان جمع کروانے پر ازخود کیس نمٹا دیا

  

لاہور(ڈیلی پاکستان آن لائن)سپریم کورٹ لاہور رجسٹری میں زینب قتل ازخود نوٹس کی سماعت کے دوران چیف جسٹس ثاقب نثار نے ریمارکس دیتے ہوئے زینب قتل کیس میں ملزم کو پکڑنے پر آئی جی پنجاب کے مشکور ہیں،آپ نے چیمبر میں کیا وعدہ پورا کیا،سپریم کورٹ نے ملزم کا چالان عدالت میں جمع کرانے پر زینب قتل ازخود کیس نمٹا دیا۔

تفصیلات کے مطابق سپریم کورٹ لاہور رجسٹری میں زینب قتل ازخود نوٹس کی سماعت ہوئی، چیف جسٹس ثاقب نثار کی سربراہی میں 3 رکنی بنچ نے کی، دوران سماعت پولیس آئی جی پنجاب نے رپورٹ عدالت میں پیش کر دی، عدالت نے زینب قتل کیس میں چالان جمع کرانے پرازخودنوٹس نمٹادیا۔

چیف جسٹس ثاقب نثار نے پولیس کی رپورٹ پر اطمینان کا اظہار کرتے ہوئے کہا کہ زینب قتل کیس میں کسی کو شکایت ہو تو وہ درخواست دائر کرے، ہائیکورٹ کے فیصلے کے مطابق 7 دن میں فیصلہ کیا جائے۔

چیف جسٹس پاکستان نے ریمارکس دیتے ہوئے کہا کہ قاتل پکڑنے کیلئے پنجاب پولیس نے اچھی کارگردگی کامظاہرہ کیا، زینب قتل کیس میں ملزم کو پکڑنے پر آئی جی پنجاب کے مشکور ہیں،آپ نے چیمبر میں کیا وعدہ پوراکردیا ۔

مزید :

اہم خبریں -قومی -علاقائی -پنجاب -لاہور -