مردان میں عوامی نیشنل پارٹی کی ایک اور اہم وکٹ گرگئی، سابق صوبائی وزیر کے بھائی امیر فرزند ساتھیوں سمیت تحریک انصاف میں شامل

مردان میں عوامی نیشنل پارٹی کی ایک اور اہم وکٹ گرگئی، سابق صوبائی وزیر کے ...
مردان میں عوامی نیشنل پارٹی کی ایک اور اہم وکٹ گرگئی، سابق صوبائی وزیر کے بھائی امیر فرزند ساتھیوں سمیت تحریک انصاف میں شامل

  

پشاور(آئی این پی) مردان میں عوامی نیشنل پارٹی کی ایک بڑی اور اہم وکٹ گر گئی۔ حلقہ پی کے 25مردان سے تعلق رکھنے والے عوامی نیشنل پارٹی کے سابقہ وزیر اور ممبر صوبائی اسمبلی غنی داد خان مرحوم کے بھائی امیر فرزند خان اپنے خاندان، ورکروں اور دوستوں کے ساتھ پاکستان تحریک انصاف میں شامل ہوگئے۔

ڈسٹرکٹ ممبر گڑھی دولت زئی اسفندیار خان کی زیر صدارت امازو گڑھی مردان میں ایک بڑے پر ہجوم جلسے میں صوبائی وزیر تعلیم محمد عاطف خان،صوبائی وزیر صحت و انفارمیشن ٹیکنالوجی شہرام خان ترکئی اور ممبران قومی اسمبلی علی محمد خان اور مجاہد خان نے تحریک انصاف میں شمولیت اختیار کرنے والوں کو پارٹی ٹوپیاں پہنائی۔ جلسے میں ہزاروں کی تعداد میں لوگوں نے شرکت کی۔

شمولیتی جلسے سے ممبران قومی اسمبلی علی محمد خان ، مجاہد خان اور ضلعی کونسل کے اراکین نے بھی خطاب کیا۔

مزید :

علاقائی -خیبرپختون خواہ -پشاور -