نعیم بخاری کے اپنے آپ کو’سٹپنی ‘وکیل کہنے پر عمران خان نے سر پکڑ لیا،دانیال عزیز

نعیم بخاری کے اپنے آپ کو’سٹپنی ‘وکیل کہنے پر عمران خان نے سر پکڑ لیا،دانیال ...
نعیم بخاری کے اپنے آپ کو’سٹپنی ‘وکیل کہنے پر عمران خان نے سر پکڑ لیا،دانیال عزیز

  

اسلام آباد(ڈیلی پاکستان آن لائن)پاکستان مسلم لیگ ن کے رہنما دانیال عزیز نے کہا کہ نعیم بخاری کے اپنے آپ کو ’سٹپنی‘وکیل کہنے پر عمران خان نے احاطہ عدالت میں اپنا سر پکڑ لیا۔پانامہ کیس کی سماعت کے دوران سپریم کورٹ کے باہر میڈیا سے گفتگو کرتے ہوئے دانیال عزیزکا کہنا تھا کہ پی ٹی آئی کے وکیل مسلسل قلابازی لگارہے،پی ٹی آئی نے عدالت میں غیر تصدیق شدہ ثبوت پیش کیے ہیں۔انہوں نے کہا کہ پی ٹی آئی کی حالت پانی سے باہر مچھلی کے تڑپنے جیسی ہے۔ عوام نے پی ٹی آئی کو مسترد کردیا۔تحریک انصاف نے کوئی نیا ثبوت پیش نہیں کیا۔دانیال عزیز کا کہنا تھا کہ وزیراعظم کو اختیارات عوام نے دیئے ہیں۔ پی ٹی آئی نے سپریم کورٹ کے باہر دھرنا دیا اور ابھی اسی کے سامنے انصاف مانگ رہے ہیں۔ دھرنے کی وجہ سے بڑے بڑے پراجیکٹ رک گئے۔دھرنے اور لاک ڈاﺅن کا انجام سب نے دیکھ لیا۔رہنمان لیگ کا مزید کہناتھاکہ خٹک صاحب چین گئے تو مان لیا سی پیک منصوبہ ٹھیک ہے۔ آخرمیں دانیال عزیز نے کہا کہ ہمارے وکلاءکو دلائل دینے کا موقع نہیں ملا،ہماری باری آئیں گی تو تمام ثبوت پیش کریں گے۔ آئین سے ہٹ کر فیصلہ کرانا ناممکن ہے۔

مزید :

قومی -