کراچی،پی آئی ڈی سی سے میٹروپول جانے والی سڑک بند

  کراچی،پی آئی ڈی سی سے میٹروپول جانے والی سڑک بند

  



کراچی (اسٹاف رپورٹر) شہر قائد میں کلب روڈ پر دو طرفہ ٹریفک بند کرنے کا فیصلہ کیا گیا ہے، رواں ماہ 18 جنوری سے 4 لین پر مشتمل سڑک پر یکطرفہ ٹریفک کو اجازت ہوگی۔تفصیلات کے مطابق کمشنر کراچی کی جانب سے نوٹیفکیشن جاری کیا گیا ہے کہ جس میں بتایا گیا ہے کہ 18 جنوری سے کلب روڈ پر دو طرفہ ٹریفک بند ہوگا۔نوٹیفکیشن میں کہا گیا ہے کہ 4 لین پر مشتمل سڑک پر یکطرفہ ٹریفک کو اجازت ہوگی، میٹرپول سے پی آئی ڈی سی جانے کی اجازت ہوگی جبکہ پی آئی ڈی سی سے میٹروپول جانے کے لیے سڑک بند ہوگی، شہریوں کی جانب سے متبادل کے طور پر ایوان صدر اور ایم آر کیانی روڈ کو استعمال کیا جائے گا۔کمشنر کراچی افتخار شلوانی کے مطابق پی آئی ڈی سی پر ٹریفک کے دبا کی وجہ سے یہ فیصلہ کیا گیا ہے۔ انہوں نے بتایا کہ کلب روڈ پر ٹریفک پولیس نے سائن بورڈ بھی آویزاں کر دیے ہیں۔

مزید : راولپنڈی صفحہ آخر