قصور میں کلہاڑی کے وار سے اے ٹی ایم لوٹنے کی کوشش کرنیوالا ملزم پکڑا گیا
قصور (ویب ڈیسک) مصطفی آباد میں پولیس نے بروقت کارروائی کرتے ہوئے کلہاڑی کے ذریعے نجی بینک کی اے ٹی ایم لوٹنے کی کوشش کرنے والے ملزم کو گرفتار کر لیا۔
نجی ٹی وی جیونیوز کے مطابق تھانا مصطفی آباد پولیس نے 15 پر کال موصول ہونے پر بروقت کارروائی کی اور کلہاڑی کے وار کر کے نجی بینک کی اے ٹی ایم کو توڑ کر لوٹنے کی کوشش کرنے والے ملزم شکیل کو گرفتار کر لیا۔ترجمان کے مطابق گرفتار ملزم نشےکا عادی ہے اور منشیات بھی فروخت کرتا ہے، ملزم کے خلاف نجی بینک کے منیجر کی درخواست پر مقدمہ بھی درج کر لیا گیا ہے۔