، 4ارب سے ذہین طلبہ میں لیپ ٹاپ تقسیم کرینگے،عرفان دولتانہ

لاہور(نامہ نگار) مسلم لیگ (ن) کے رکن پنجاب اسمبلی عرفان دولتانہ نے کہا ہے کہپرائمری ایجوکیشن کے ساتھ ساتھ اس مالی سال میں ہائر ایجوکیشن کے لئے 46ارب 86کروڑ روپے مختص کئے گئے ہیں۔ جس کے تحت 4 ارب روپے سے چار لاکھ ذہین طلبا و طالبات میں لیپ ٹاپس دئیے جائیں گے۔سیالکوٹ میں خواتین کی یونیورسٹی کے علاوہ آئی ٹی اینڈ انجینئرنگ یونیورسٹی قائم کی جائے گی۔ اسی طرح دنیا بھر کی اعلی تعلیمی درسگاہوں میں ماسٹر ز اور پی ایچ ڈی کی ڈگری کے حصول کے لئے’’شہبازشریف میرٹ سکالر شپ سکیم‘‘کا آغاز کیا جارہاہے۔حکومت پنجاب نے صوبہ بھر کے عوام خصوصا دیہی علاقوں کے لوگوں کو علاج معالجہ کی جدید سہولیات کی فراہمی کے لئے مالی سال کے تخمینہ میں 207ارب 30کروڑ روپے ر کھے گئے ہیں۔اس پروگرام کے تحت 30ارب روپے سے عوام کو پینے کے صاف پانی کی فراہمی یقینی بنائی جائے گی۔پانچ ارب روپے کی لاگت سے صوبہ بھر کے تمام ڈسٹرکٹ ہیڈ کوارٹرز ہسپتالوں اور 15بڑے تحصیل ہیڈ کوارٹرز ہسپتالوں کو Revamp کیا جائے گا جس سے لوگوں کو ان کی دہلیز پر طبی سہولیات دستیاب ہوں گی جس سے بڑے ہسپتالوں پر دباؤ کم ہوگا ۔سپشلائزڈ ہیلتھ کئیر کے لئے نئے مالی سال میں24ارب 50کروڑ روپے مختص کئے جا رہے ہیں۔ اسی طرح حکومت نے مریضوں کو مفت ادویات کی فراہمی کے لئے نئے مالی سال میں14ارب 74کروڑ روپے رکھنے کا اعلان کیاہے